خلک

یو شمېر خلک او موټرچلوونکي د هرات ښاروالۍ او ترافیکو مدیریت له خوا د ترافیکي څراغونو نصبولو هرکلی کوي او وايي چې دغه کار د ګڼې‌ګوڼې او ترافیکي پېښو کمېدو لامل شوی دی.

د کابل ښار ځيني اوسېدونکي په دې وروستیو کې د برېښنا پرچاوي له ډېرېدو شکایت لري او د دې ستونزې د اساسي حل غوښتنه کوي خو د برېښنا شرکت د یادې ستونزې په تایید وایي چې د اساسي حل لپاره یې هڅې روانې دي.

د فراه د عامې روغتیا ریاست مسوولین وايي، د دغه ولایت د پرچمن ولسوالۍ د ډېرو سیمو خلک روغتيايي خدمتونو ته لاسرسی نه لري.

د خوست د صبريو يعقوبيو اوسېدونکي وايي چې د دې ولسوالۍ نږدې نیمايي ښوونځي ودانۍ نه لري او زده‌کوونکي یې له امله له ستونزو سره مخ دي.

د بلخ یو شمېر اوسېدونکي په دغه ولایت کې د مخابراتي شبکو د انټرنېټي خدمتونو له ټیټ کیفیته شکایت کوي او وایي، د انټرنېټ بیه لوړه ده خو کیفیټ یې ټیټ دی.

د هلمند د واشير ولسوالۍ یو شمېر اوسېدونکي وايي، د دوی په سیمه کې ډېری کارېزونه وچ شوي او خلک د څښاک پاکو اوبو له کمښت سره مخ دي.

د میدان وردګو ولایت اوسېدونکي له تېرو جګړو څخه د پاتې شوو ناچاوده توکو په اړه اندېښنه ښيي او وايي، دغه توکي د خلکو په تېره بیا د ماشومانو ژوند ته یو ګواښ دی.

د غزني د اجرستان ولسوالۍ یو شمېر اوسېدونکي مخابراتي خدمتونو ته له نه لاسرسي شکایت لري او وایي، د یوې ټېلیفوني اړیکې لپاره اړ دي چې بلې ولسوالۍ ته ولاړ شي.

یو شمېر خلک د هلمند په اوبو کې د ایران حقابې په اړه د اسلامي امارت له دریځه ننګه کوي، ځیني د اوبو په بدل کې له ایرانه تېل غواړي او ځیني بیا وایي چې اوبه یې د هېواد د دنګو غرونو اوښکې دي او باید لومړی خپلې ځمکې خړوبې کړي.

د بادغیس یو شمېر اوسېدونکي وایي، ښاروالۍ هټۍوالو ته نرخ‌پاڼه جوړه کړې او وېشلې ده خو له پلې‌کېدو یې څارنه نه کوي چې له امله یې هټۍوال تر اوسه توکي په خپله خوښه بیو پلوري.

یو شمېر خلک له اړوندو چارواکو غواړي چې د کونړ پر اوبو بند جوړ کړي، خلکو ته کار پیدا کړي، د واسطې له لارې د ګومارنو مخه ونیسي او د ښوونکو تنخواګانې لوړې کړي.

کلات (پژواک، ۱ غبرګولی ۱۴۰۲): د زابل د سوېلي ولسوالیو یو شمېر اوسېدونکو نن په دغه ولایت کې د قبایلو او سرحدونو چارو له سرپرست