د افغانستان د اسلامي امارت د بهرنیو چارو وزارت له ملګرو ملتونو څخه د دوحې د راتلونکې غونډې د اجنډا او ترکيب په اړه وضاحتونه وغوښتل او ویلي چې له هغې وروسته به په غونډه کې د ګډون پرېکړه کوي.
سرپرست حکومت وایي چې د اسلامي امارت دسیاسي کمېسیون په غونډه کې د دوحې راتلونکې غونډې په اړه په تفصیلي توګه خبرې وشوې.
د ملګرو ملتونو په سرپرستۍ د قطر پلازمینې دوحه کې د افغانستان په تړاو د کېدونکې دویمې مشورتي غونډې نېټه په ډاګه شوه، بلخوا د ریاست الوزرا سیاسي مرستیال وايي چې په یاده ناسته کې اسلامي امارت ته هم د ګډون بلنه ورکړل شوې.
