سوداګر

یوه امنیتي سرچینه وايي چې د کندهار ښار لسمې امنیتي حوزې مربوطاتو کې وسله‌والو موټرسایکل‌سپرو یو سوداګر په ډزو وژلی دی.

په تورخم کې افغان سوداګر او د باروړونکو موټرونو چلوونکي شکايت کوي چې پاکستاني مسوولين ورته د تګ راتګ پر مهال ستونزې جوړوي چې له امله يې سوداګريزې چارې ټکنۍ شوې دي.

د خوړو او درملو ملي ادارې سوداګرو ته خبرداری ورکړی چې هېواد ته دې بې‌کیفیته او مصنوعي رنګ شوي چای له واردولو ډډه وکړي.

د کابل امنیه قومانداني وایي، د کابل ښار ۱۵مې امنیتي حوزې مربوطاتو کې یې یو سوداګر د انسان‌تښتوونکو له بنده راخوشی کړی او ورسره په تړاو یې درې کسان نیولي دي.

دوو چینایي سوداګرو د ریاست‌الوزراء له سیاسي مرستیال سره په لیدنه کې په اساسي ډول د سړکونو او لويولارو جوړولو برخو کې پانګونې ته لېوالتیا ښودلې ده.

د فراه یوه ملي سوداګر د دغه ولایت په مرکز کې په خپل شخصي لګښت سلګونو کسانو ته د ریاضي، انګلیسي، سواد او خطاطۍ زده‌کړې زمینه برابره کړې ده.

په بلخ کې يو سوداګر حاجي نبي‌الله -چې يوه اونۍ وړاندې تښتول شوى و- د انسان‌تښتوونکو له بنده خوشی شو.

خوست کې د يوه سوداګر د کورنۍ غړي ادعا کوي چې امنيتي کسانو يې پر کور عمليات کړي، خو مسوولین بيا وايي چې يادې کورنۍ غوښتل پر يوې بلې کورنۍ وسله‌وال بريد وکړي چې مخه يې نيول شوې ده.

د نیمروز سوداګر وايي، په تېر یوه کال کې په دغه ولایت کې د افغانستان او ایران ترمنځ د ابریښم بندر له لارې د سوداګرۍ کچه د بېلابېلو لاملونو له امله د پام وړ کمه شوې ده.

د بلخ په مرکز مزارشریف ښار کې ناپېژاندو کسانو د حاجي اصغر په نوم یو سوداګر تښتولی دی.

د میدان وردګو په چک ولسوالۍ کې یوه ملي سوداګر په خپل شخصي لګښت یو جامع جومات جوړ کړی دی.

د کابل امنیه قومانداني وایي، د کابل ښار د اتمې امنیتي حوزې اړوند کارته نو سېمه کې د یو سوداګر پر موټر چاودنه شوې، خو مرګ ژوبله نه لري.