قاچاق

ننګرهار ولايت کې مسوولین وايي، تورخم کې د ګمرک کارکوونکو پاکستان ته د یوه اندازه قيمتي او نيمه‌قيمتي ډبرو د قاچاق مخه نيولې ده.

ځایي سرچینې وايي چې د بلخ په مرکز مزارشریف ښار کې سلګونه لېتر الکولي مشروبات کشف او ضبط شوي او بلخوا سرپل کې د ۷۵۰ کیلوګرامه کاسټیک د قاچاق مخنیوی شوی او د دواړو پېښو په تړاو څلور کسان نیول شوي دي.

په فراه کې امنيتي مسوولین وایي، د دغه ولایت په جوین ولسوالۍ کې یې اووه تنه ایران ته د څارویو قاچاق په تور نیولي.

د پروان امنیه قومانداني وایي، د دغه ښار د اوومې امنیتي حوزې په مربوطاتو کې یې یو کس د قیمتي ډبرو د قاچاق په تور نیولی.

د کورنیو چارو وزارت وايي، د هرات په اسلام‌کلا بندر کې د یو نیم میلیون ریال، ۴۵۰ زره یورو او ۱۵۰ زره امریکایي ډالرو د قاچاق مخه نیول شوې ده.

د بغلان امنیې قوماندانۍ مسوولین وايي، نن د دغه ولایت په مرکز پلخمري کې ۱۲۳ کیلوګرامه تریاک او یوه اندازه نور نشه‌يي توکي کشف او ترلاسه شوي دي.

د مالیې وزارت وایي، د حیرتان سرحدي ګمرک کې یې په صادراتي توکو کې د څه باندې ۱۴ کیلوګرامه سروزرو د قاچاق مخه نیولې او ورسره په تړاو یو کس هم نیول شوی دی.

ختيځ کې د ۲۰۱ خالد بن وليد قول‌اردو چارواکي وايي، د ننګرهار په سپين‌غر ولسوالۍ کې يې د ۹۰ کلچې خامو چرسو د قاچاق په تور شپږ کسان نيولي دي.

د مالیې وزارت وایي، د تورخم ګمرک کارکوونکو په یوه صادراتي محموله کې نږدې ۲۲۲ کیلوګرامه قیمي ډبرې چې ګاونډي هېواد ته قاچاق کېدې کشف او ترلاسه کړې دي.

د ختيځ زون امنیتي مسوولین وايي چې د ننګرهار په دوربابا ولسوالۍ کې د چرسو او تریاک د قاچاق په تور ۲۸ کسان نيول شوي دي.

د ننګرهار امنيتي مسوولين وايي، د انټرپول پوليسو په تورخم ښارګوټي کې پاکستان ته د قيمتي غميو د قاچاق مخه نيولې ده.

د لغمان امنیتي مسوولین وایي چې د دغه ولایت په مربو‌‌طاتو کې د کابل-جلال‌اباد پر لویه لار څلور کسان د ۴۰ کیلوګرامه شیشې د قاچاق په تړاو نیول شوي.