لغمان

د لغمان د الینګار ولسوالۍ اړوند د کلمان درې قومي مشرانو پرېکړه کړې چې له دې وروسته هیڅ څوک نشي کولی پر نجونو له ۱۵ زره افغانیو لوړ ولور واخلي.

د لغمان د الینګار ولسوالۍ اړوند د ساو درې اوسېدونکي شکایت کوي چې مخابراتي خدماتو ته لاسرسی نه لري او دې برخه کې له ستونزو سره مخ دي.

د لغمان د الینګار ولسوالۍ اړوند د ساو درې یو شمېر اوسېدونکي شکایت کوي چې په سیمه کې یې روغتیایي خدمتونو ته د نه لاسرسي له امله له ستونزو سره مخ دي.

لغمان کې سیمه‌ییز مسوولین وایي چې د دغه ولایت په الینګار والسوالۍ کې د یوه ګډ کمېسیون په منځګړیتوب د لسو کورنیو ترمنځ زړه دښمني پای ته ورسېده او روغه جوړه یې وکړه.

د لغمان د بادپښ ولسوالۍ اوسېدونکي شکایت کوي چې د ولسوالي په کچه هیڅ بازار نه‌لري او اړ دي چې د خپلو لومړنیو اړتیا وړ توکو پسې مهترلام ښار ته ساعتونه مزل وکړي.

د لغمان ځايي مسوولین وايي، تېره شپه د دغه ولایت دولت‌شاه ولسوالۍ کې د یوه کور د خونې چت لوېدو پېښه کې یو ماشوم مړ او درې نور ټپیان شوي دي.

د لغمان سیمه‌ییز مسوولین وایي، د دغه ولایت د الینګار والسوالي د کلمان درې په کنډلام سیمه کې یې د دوو کورنیو ترمنځ لس کلنه دښمني په دوستۍ بدله کړې ده.

د لغمان د بادپښ ولسوالۍ اوسېدونکي وايي، له مرکز مهترلام سره د دې ولسوالۍ نښلېدونکی سړک خراب دی چې له امله یې دوی له ګڼو ستونزو سره مخ دي.

د لغمان ځايي مسوولین وايي، د مهترلام ښار سلطان‌غازي بابا ښارګوټي کې د یوه کور د دېوال نړېدو له امله درې کسان مړه شوي او څلور نور ټيپان دي.

کورنیو چارو وزارت وایي، د لغمان ولایت په الیشنګ ولسوالۍ کې د دوو قومونو ترمنځ وسله‌واله نښته شوې چې له امله یې دواړو لورو ته ځاني زیان هم اوښتی خو امنیتي ځواکونو د شخړې پراخېدو مخنیوی کړی او له دواړو لورو یې ۲۵ کسان له وسلو سره نیولي دي.

د لغمان د امنیې قومندانۍ مسوولین وایی، د دغه ولایت په مرکز او ولسوالیو کې یې د سوالګرو د راټولولو او تثبیت لړۍ پیل کړې ده.

د لغمان ځايي مسوولین وايي، د کابل – جلال‌اباد پر لویه لار د دغه ولایت د قرغیو ولسوالۍ اړوند خېروخېلو سیمه کې د یوې ترافیکي پېښې له امله پنځه کسان مړه شوي او یو بل ټپي دی.