لغمان

د لغمان د کرنې ریاست مسوولین وايي، نن د دغه ولایت په مرکز مهترلام او پنځه‌ګونو ولسوالیو کې د مېوه‌لرونکو او بې‌مېوې نیالګیو د اېښودلو لړۍ پیل شوه چې په ترڅ کې به یې یو میلیون نوي نیالګي کېښودل شي.

د لغمان امنیه قومانداني وايي چې په تېرو شپږو میاشتو کې یې د نشه‌يي توکو ۴۵۲ روږدي راټول کړي او د درملنې په موخه یې د کابل د روږدو درملنې مرکز ته لېږدولي دي.

د لغمان د دولت‌شاه ولسوالۍ د فرشغان درې اوسېدونکي شکایت کوي چې د فرشغان پر سیند د پله نشتوالي له امله په تګ راتګ کې له سختو ستونزو سره مخ وي او له حکومته غواړي چې پل ورته جوړ کړي.

د لغمان سیمه‌ییز مسوولین وایي، تېره شپه الینګار ولسوالۍ کې په یوه کور کې د اور لګېدنې له امله دوې ماشومانې مړې شوې دي.

لغمان کې سیمه‌ییز مسوولین وایي، د دغه ولایت په قرغیو ولسوالۍ کې یې د اوبو د ۱۹ ذخېرو او پایپ‌سکیم د جوړېدو چارې پیل کړې چې په درېیو میاشتو کې به بشپړې شي.

د لغمان د مرکز مهترلام اړوند الیشنګ کلي اوسېدونکي وایي چې کلي ته یې د برېښنا غځېدو چارې د تېر حکومت پر مهال ۸۰ سلنه بشپړې شوې وې خو له تحول وروسته ولاړې دي او له حکومته دې برخې ته د پاملرنې غوښتنه کوي.

د لغمان امنیه قومانداني وایي چې د دغه ولایت په الیشنګ ولسوالۍ کې د دوو قومونو ترمنځ د غره د ملکیت پر سر نښته شوې چې په کې یوه ښځه ټپي شوې او په تړاو یې شپږ کسان نیول شوي دي.

سیمه‌ییز مسوولین وایي، د لغمان ولایت په مرکز او پنځو ولسوالیو کې د ۳۱ میلیون افغانیو په لګښت د ۳۴۰ کیلومتره سړک د جوړولو او بیارغولو چارې پیل شوې.

د لغمان سیمه‌ییز مسوولین وایي، د دغه ولایت د الینګار ولسوالۍ په سنګره سیمه کې د دوو کورنیو ترمنځ ۱۲ کلنه دښمني نن د قومي مشرانو او دیني عالمانو په منځګړيتوب پای ته ورسېده.

نن سهار د کابل – جلال‌اباد پر لویه د لغمان د قرغیو ولسوالۍ اړوند کاکڅ سیمه کې د یوې ترافیکي پېښې له امله یوه کس ژوند له لاسه ورکړی او درې نور ټپیان شوي دي.

د لغمان د کرنې او مالدارۍ ریاست مسوولین وایي چې په دغه ولایت کې سږ کال د تېر کال په نسبت د چهارمغزو حاصلات نږدې دوه برابره ډېر شوي دی.

د لغمان امنيې قوماندانۍ په يوه خبرپاڼه کې ويلي، نن يکشنبه د لغمان مرکز مهترلام اړوند کله‌کوټ سيمه کې د ترافيکي پېښې له امله پنځه کسانو ژوند له لاسه ورکړی او ۱۷ نور ټپيان شوي دي.