مولوي عبدالکبیر: ا.ا هڅه کوي له کورنیو عوایدو د خلکو ستونزې هوارې کړي
د ریاستالوزراء سیاسي مرستیال وايي، د اسلامي امارت پالیسي پر بیارغونې او افغانانو ته پر خدمت کولو څرخي او هڅه کوي چې له کورنیو عوایدو د خلکو ستونزې هوارې کړي.
مولوي عبدالکبیر
راپورونه
چين د همالیا ټرانس فورم ناسته کې مولوي عبدالکبیر ته د ګډون بلنه ورکړه
په کابل کې د چین سفیر د ریاستالوزراء له سیاسي مرستیال سره په لیدنه کې ویلي چې د دواړو هېوادونو ګډې همکارۍ او اړیکې کولای شي د ستونزو په حل کې مرسته وکړي.
مولوي عبدالکبیر: سره صلیب او سرې میاشتې د میلیونونو خلکو ژوند ژغورلی او فعالیت ته یې لا هم اړتیا ده
د ریاستالوزرا سیاسي مرستیال په افغانستان کې د سره صلیب او سرې میاشتې هڅې ستايي او وايي چې د افغانستان او فلسطین په ګډون په ګڼو اسلامي هېوادونو کې د سرې میاشتې او سره صلیب فعالیتونو ته په میلونونو خلک اړتیا لري.
مولوي عبدالکبیر: ولسونه باید د «فتنهګرو» پر وړاندې له اسلامي امارت سره همکاري وکړي
د ریاستالوزرا سیاسي مرستیال د ننګرهار د مومندو له یو شمېر قومي مشرانو سره په لیدنه کې ویلي، ا.ا هېڅکله د حق په مقابل کې د قوم، ژبې او سمت طرفداري نه کوي او ټولو افغانانو ته د خپلو حقوقو د تامین طرفدار دی.
مولوي عبدالکبیر: د کابل او مسکو ګډې هڅې کولای شي په سیمه کې د ګواښونو مخه ونیسي
د ریاستالوزرا سیاسي مرستیال د افغانستان لپاره د روسیې ولسمشر له ځانګړي استازي سره په لیدنه کې ویلي، د کابل او مسکو ګډې هڅې کولای شي په سیمه کې د ګواښونو مخه ونیسي او هیله یې څرګند کړې څو په مسکو فارمټ کې افغانستان ته رسمي غړیتوب ورکړل شي.
مولوي عبدالکبیر: اړتیا ده چې رسنۍ د نفاق له منځه وړلو او د یووالي پیاوړتیا ته کار وکړي
د ریاستالوزرا سیاسي مرستیال، د رسنیو مسوولینو سره په لیدنه کې ویلي، په تېرو دوو لسیزو کې د نفاق لپاره پراخې هڅې شوي، اوس اړتیا ده چې رسنۍ د نفاق له منځه وړلو او د یووالي پياوړتیا ته کار وکړي.
مولوي عبدالکبیر: سیمه او نړۍ کې ځینې کړۍ افغانستان کې د داعش لپاره تبلیغات کوي
د ریاستالوزراء سیاسي مرستیال وايي چې په سیمه او نړۍ کې ځینو کړیو په افغانستان کې د داعش لپاره په تبلیغاتو لاس پورې کړی او په وینا یې، هيڅوک باید د دې ډلې قوي ښودلو او پياوړتیا لپاره لابي ونه کړي.
مولوي عبدالکبیر: ا.ا د ټولو قومونو پر وړاندې یو شان مسوولیت لري
د ریاست الوزرا سیاسي مرستیال د اهل تشیع ټولنې له یو شمېر غړو سره په لیدنه کې ویلي، اسلامي امارت د ټولو قومونو پروړاندې یو شان مسوولیت لري او ولسونو ته خدمت د حکومت تر ټولو مهمه دنده ده.
مولوي عبدالکبیر: بېوزلي او بېکاري له تېر حکومته راپاتې دي
د ریاستالوزرا سیاسي مرستیال د ملګرو ملتونو له یوې استازې سره په لیدنه کې ویلي، بېوزلي او بېکاري له تېر حکومته پاتې دي او اړتیا ده چې له افغانانو سره بشري مرستې ډېرې شي.
مولوي عبدالکبیر: افغانان اجازه نه ورکوي چې پر ملي او دیني مسایلو معامله وشي
د ریاستالوزرا سیاسي مرستیال وایي، پر هېواد د بهرنیانو له لوري په پرله پسې تېریو سربیره، ولسونه پر خپلو ارزښتونو کلک ولاړ دي او اجازه نه ورکوي پر ملي او دیني مسایلو معامله وشي.
مولوي عبدالکبیر: کابل کې د څښاک اوبو کمښت جدي او د اندېښنې وړ موضوع ده
د ریاستالوزراء سیاسي مرستیال وايي، کابل کې د څښاک اوبو کمښت یوه جدي او د اندېښنې وړ موضوع ده او اسلامي امارت یې د حل لپاره هڅې پیل کړې دي.
مولوي عبدالکبیر: د افغانستان په څېر د نړۍ او سیمې هېوادونو ته هم امن غواړو
د ریاست الوزرا سیاسي مرستیال لغمان ولایت کې یوې ولسي غونډې ته ویلي، اسلامي امارت لکه څنګه چې په افغانستان کې د امن او ثبات د ټینګښت لپاره کار کوي د سیمې او نړۍ لپاره هم د امن غوښتونکی دی.
مولوي عبدالکبیر: اوسني نظام کې د افغانستان بېلابېل قومونه او خلک برخه لري
د ریاستالوزرا سياسي مرستيال وايي، که د نړۍوالې ټولنې د ټولګډونه حکومت جوړولو څخه مطلب دا وي چې د پخواني حکومت چارواکي دې په نظام کې برخه ولري، دا د افغانستان خلکو او اسلامي امارت ته د زغملو نه ده.
مولوي عبدالکبیر: چاته اجازه نشته چې د اوسني نظام خلاف یو کوچنی حرکت هم وکړي
د رييسالوزرا سياسي مرستيال خوست کې د یوې ديني مدرسې فراغت غونډې ته وويل، چا ته به اجازه ور نه کړي چې د دوی په قربانيو د لاسته راغلي نظام خلاف يو کوچنی حرکت هم وکړي.
مولوي عبدالکبیر: ا.ا د نجونو د زدهکړو مخالف نه دی
د ریاست الوزراء سیاسي مرستیال مولوي عبدالکبیر د ناروې له شارژدافیر سره په لیدنه کې ویلی چې اسلامي امارت د نجونو د زده کړو مخالف نه دی.
د ریاستالوزرا سیاسي مرستیال له درملنې وروسته بېرته کار پیل کړ
ارګ وایي، چې د ریاست الوزراء سیاسي مرستیال مولوي عبدالکبیر له څو میاشتو ناروغتیا وروسته بېرته خپله دنده پیل کړه.
مولوي عبدالکبیر: د مخکني دولت له چارواکو په افغانستان کې د ژوند کولو حق نه اخلو
د ریاستالوزارء سیاسي مرستیال وايي چې افغانستان د ټولو افغانانو ګډ کور دی او دلته د ژوند کولو حق لري، اسلامي امارت د مخکني دولت له چارواکو او عامو وګړو دا حق نه اخلي.
مولوي عبدالکبیر: بهر ته تللي افغانان دې په ډاډه زړه بېرته خپل هېواد ته راستانه شي
د ریاستالوزراء سیاسي مرستیال او کفیل د انساني قاچاق پر مخنیوي او له قاچاقکوونکو سره د شریعت په رڼا کې پر حساب د ټینګار ترڅنګ وایي، بهر ته تللي افغانان کولی شي چې په ډاډه…
مولوي عبدالکبیر: رسنۍ د اسلامي امارت مټ دي او د پياوړو رسنیو له شتون پرته ټولنه نیمګړې وي
د ریاستالوزراء سیاسي مرستیال وايي، رسنۍ د اسلامي امارت مټ دي او زیاتوي چې د پياوړو رسنیو له شتون پرته ټولنه نیمګړې وي او رسنۍ دې د ټولنې حقیقي انځور خلکو او نړۍ ته وړاندې کړي او د ناسمو تبلیغاتو مخه دې ونيسي.
مولوي عبدالکبیر: ملګري ملتونه باید په دغه سازمان کې د افغانستان څوکۍ موږ ته وسپاري
د ریاستالوزراء سیاسي مرستیال د ملګرو ملتونو د سرمنشي ځانګړي استازي له مرستیال څخه وغوښتل چې ملګري ملتونه باید په دغه سازمان کې د افغانستان څوکۍ دوی ته وسپاري.
مولوي عبدالکبیر: غواړو د قطر په همکارۍ له اسلامي هېوادونو او نورې نړۍ سره ښې اړیکې جوړې کړو
د ریاست الوزار سیاسي مرستیال، د افغانستان لپاره د قطر له سفیر سره په لیدنه کې ویلي، کابل غواړي د قطر په منځګړیتوب له اسلامي هیوادونو او نورې نړۍ سره ښې اړیکې جوړې کړي، تر څو له افغانستان سره بشردوستانه مرستې نورې هم زیاتې شي.
