ټپیان

تېره اونۍ، تورخم کې نښتو مرګ‌ژوبله واړوله او هلته د پژواک د خبریال په ګډون دوه افغان خبریالان هم ټپیان شول او اوچا، جاپان او ډنمارک له افغانستان سره د مرستې لپاره څه باندې ۶۲ میليون ډالر ځانګړي کړل.

تېره اونۍ، اسلو او کابل د ډيپلوماټیکو اړیکو پر پراختیا خبرې وکړې، چین وویل چې له کابل سره یې اړیکو کې ښه‌والی راغلی او د امنیت شورا کې په افغانستان کې د داعش په اړه اندېښنې وښودل شوې، خو ا.ا وویل چې داعش افغانستان کې ځواک نه لري.  

تېره اونۍ م.م له ا.ا سره د تعامل پر دوام ټینګار وکړ، قرغیزستان «طالبان» د ممنوعه ډلو له نوملړه حذف کړل او د امنیت شورا ۱۲ غړو د امر بالمعروف قانون په اړه اندېښنه وښوده، خو روسیې، چین او الجزایر په دې اړه اعلامیه نه ده لاسلیک کړې.

تېره اونۍ، ا.ا د وسلو د پلور په اړه د ټرمپ خبرې رد کړې، ځینو هېوادونو افغانستان کې د سفارتونو پرانیستې ته لېوالتیا وښوده او اسلام‌اباد له کابله د بنو برید په اړه د پلټنو غوښتنه وکړه، خو کابل وایي، دا برید له افغانستان سره تړاو نه لري.

تېره اونۍ، دوحه کې د افغانستان په اړه غونډې د خبرونو سرټکي جوړول، د شانګهای همکاریو سازمان باثباته افغانستان د سیمې په ګټه وباله او ځینو هېوادونو افغانستان کې د ټول‌ګډونه حکومت د جوړښت غوښتنه کوله خو ا.ا وایي، د حکومت څرنګوالی کورنۍ موضوع ده.

د امریکایي رسنیو د راپور له ‌مخې، نن سهار په واشنګټڼ کې نامعلومو وسله‌والو پر عامو کسانو ډزې کړې چې له امله یې یو کس وژل شوی او د دوو ماشومانو په ګډون پنځه نور ټپیان شوي دي.

د هلمند ولایت په ګرشک ولسوالۍ کې یو شمېر هټیوالیو د ښاروالۍ پر وړاندې اعتراضي لاریون کړی چې په تاوتریخوالي اوښتی او له امله یې پنځه کسان ټپیان شوي دي.

تېره اونۍ، افغانستان په ځوابي برید کې د پاکستان پوځي مرکزونه په درنو وسلو وویشتل، اذربایجان کابل کې سفارت پرانیست او اروپايي ټولنې له اړو افغانانو سره پنځه میلیونه یورو مرسته اعلان کړه.

د سمنګان د ترافیکو مدیریت مسوولین وايي، سږ کال په دغه ولایت کې څه باندې ۶۱۷ ترافیکي پېښې شوې چې له امله یې د ښځو او ماشومانو په کډون ۴۰۹ کسان مړه او ټپیان شوي دي.

طبیعي پېښو ته د رسېدو په چارو کې د دولت وزارت وايي، روانه کب میاشت کې د هېواد په کچه د ورښتونو او سړې هوا له امله ۸۳ کسانو ته د مرګ‌ژوبلې اوښتو ترڅنګ څه باندې ۱۷۷ زره څاروي تلف او تر زرو ډېر کورونه ویجاړ شوي دي.

بلخ کې د موټر چپه کېدو پېښه کې اووه خبریالان چې د قوش‌تېپې کانال د دویم فاز پرانیستې مراسمو د پوښښ په موخه دولت‌اباد ولسوالۍ ته روان وو، ټپیان شوي.

افغانستان کې د کاناډا او اسټرالیا پخواني سفیرانو ا.ا سره د تعامل غوښتنه کړې، د ا.ا چارواکي وايي چې بې پرې سیاست تعقیبوي او ځينو نړۍوالو چارواکو د نجونو زده‌کړو د بيا پيلېدو غوښتنه کړې ده.