د اوبو د کمښت ناورین؛ کارپوهان: کابل ښار ته د پنجشېر د اوبو رالېږدول باید د حکومت لومړیتوب وي
په کابل ښار کې د ځمکې لاندې اوبو کچې په بېساري ټیټېدو سره د چاپېریالساتنې برخې کارپوهان خبرداری ورکوي چې کابل ښار ته د پنجشېر د اوبو لېږدولو پروژه کې ځنډ به پلازمېنه د اوبو له سخت کمښت سره مخ کړي؛ خو د اوبو او انرژۍ وزارت وایي چې د دې پروژې تخنیکي مطالعات، سروې او ډیزاین بشپړ شوي او د منظورۍ په موخه د اسلامي امارت مشرتابه ته استول شوې ده.
