ښځې

یوه مېرمن چې د نیمروز ولایت په مرکز زرنج ښار کې یې په اووه زره افغانیو د خوږو پخولو یوه کارګاه جوړه کړې، وایي، دمګړۍ لس نورې ښځې ورسره کار کوي او که ملاتړ یې وشي، راتلونکي کې به ډېرو ښځو ته د کار زمینه برابره کړي.

د بغلان د پوهنې ریاست مسوولین وایي، د دغه ولایت ټولو ولسوالیو کې د لیک لوست پروګرام د ۱۹۳ ټولګیو له لارې څه‌کم څلور زره نارینه‌ او ښځې پر زده‌کړو بوخت دي.

د ننګرهار ولايت امنيتي مسوولین وايي، د بټي‌کوټ ولسوالۍ په مربوطاتو کې يوې ښځې ځان‌وژنه کړې ده.

د امر بالمعروف، نهې ‌عن‌المنکر او د شکایتونو اورېدلو سرپرست وزیر لغمان کې یوې غونډې ته ویلي، دغه وزارت د ښځو د ټولو شرعي حقونو ورکړې ته ژمن دی، هېڅوک حق نه‌ لري ښځې په بدو کې ورکړي او یا یې په نورو شرعي حقونو سترګې پټې کړي.

تېره شپه د اروزګان په دهراوود ولسوالۍ کې یوې کونډې ښځې خپل ورور په ډزو وژلی دی.

نیمروز کې د شکېبا په نوم یوه ښځه چې د دغه ولایت په مرکز زرنج ښار کې یې د عکاسي او فوټوکاپي دوکان جوړ کړی وايي، که ملاتړ یې وشي، خپل کاروبار به پراخ کړي او ډېرې نورې ښځې به پر کار وګوماري. 

د افغانستان ستره محکمه وایي، په بلخ ولایت کې یوې ښځې ته ۳۵ دُرې تعزیري سزا ورکړل شوې ده.

غور کې ځينې ښځې وایي، د اقتصادي ستونزو او بې‌وزلۍ له امله مجبورې دي څو د خپلو کورنیو اعاشې برابرولو لپاره شاقه کارونه وکړي چې له امله یې د ملا پر درد اخته شوې او د خپلې درملنې وس نه لري.

دایکنډي کې یو شمېر ښځې چې په انلاین ډول یې د ارایشي محصولاتو پلور ته مخه کړې، وایي، توانېدلې چې له دې لارې د خپلو کورنیو لګښتونه پوره کړي.

د سمنګان امنیتي مسوولین وايي، د دغه ولایت په خلم ولسوالۍ کې یو کس چې تېره شپه یې خپله مېرمن وژلې ده، نیول شوی دی.

ستره محکمه وايي، هرات کې پر یوې ښځې د تعزیري سزا حکم تطبیق شو.

جوزجان کې یوه نجلۍ چې د خیاطۍ یوې کارګاه په جوړولو یې څه باندې ۱۰۰ ښځو ته د کار زمینه برابره کړې، وايي، د خپل کار پراختیا لپاره هڅه کوي څو سل نورو ښځو ته هم د کار زمینه برابره کړي.