ایبک (پژواک، ۵ چنګاښ ۱۴۰۳): د سمنګان امنیتي مسوولین وايي، د دغه ولایت په خلم ولسوالۍ کې یو کس چې تېره شپه یې خپله مېرمن وژلې ده، نیول شوی دی.
د سمنګان امنیې قوماندانۍ ویاند حشمتالله رحماني پژواک خبري اژانس ته وویل، هغه کس چې تېره شپه یې د دغه ولایت په خُلم ولسوالۍ کې خپله مېرمن د کلاشینکوف په ډزو وژلې وه، نیول شوی دی.
رحماني زیاته کړه، تورن کس له یو میل کلاشینکوف، یوې تومانچې او پنځه شاجوره مرمیو سره نیول شوی دی.
هغه زیاته کړه چې تر اوسه د دې پېښې لامل نه دی روښانه خو په اړه یې پلټنې روانې دي.
