افغانستان کې یوناني طبابت؛ د خلکو لیدلوری، د ډاکټرانو خبرداری او د روغتیا وزارت اقدامات
په افغانستان کې د یوناني درملو کارونه اوږده مخینه لري خو ډاکټران وايي چې د غیرمسلکي کسانو له لوري د دغو درملو تجویز او عرضه ناروغان له ستونزو سره مخ کولای شي. ورته مهال، د عامې روغتیا وزارت د یوناني طب عمومي امریت په جوړولو او د طبیبانو د ارزونې په پیل سره هڅه کوي چې دا برخه معیاري او باوري کړي.
