کابل ( پژواک، د تلې لومړۍ نېټه ، ٩٤ ) : پاکستانيو پوليسو ددغه هېواد په بلوچستان کې ايالت کې ٤٠ تنه افغان کډوال نيولي دي.
پاکستانيو رسنيو د تلې په لومړۍ نېټه، خبر ورکړى، چې پوليسو او نورو امنيتي ځواکونو د بلوچستان ايالت د کويټې ښار اړونده د خالد په نامه يوه پوځي هوايي ډګر شاوخوا کليو کې عمليات ترسره کړي دي.
سرچينې زياه کړې چې ددې عملياتو پر مهال امنيتي ځواکونو ٤٠ تنه افغان کډوال د غير قانوني اوسېدا او اسنادو نه لرلو په تور نيولي دي.
پوليسو ويلي چې نيول شوي افغانان د پلټنو په موخه اړوندو ارګانونو ته سپارل شوي دي.
د يادونې وړ ده چې څو ورځې مخکې د پېښور پر يوه پوځي اډې تر بريده وروسته امنيتي ځواکونو دافغانانو پر ضد عمليات پيل کړي دي.
په دغه بريد کې ٢٩ پاکستاني سرتېري وژل شوي وو.
غړيYou need to subscribe to view the full article. Please login or register a new account.










