منځپانګې ته تلل
دوشنبه ۱۶ نومبر ۲۰۲۶ · کابل ۵:۴۴ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

کاپیسا کې یو مهم طالب قوماندان له دولت سره یو ځای شو

· ۲ دقیقې لوستل · ۱۶۲ کتنې

محمودراقي (پژواک، ١٢ ليندۍ ٩٤): د کاپيسا په تګاب ولسوالۍ کې د طالبانو يوه سيمه ييز قوماندان له خپلو لسګونو کسانو سره له حکومت سره يو ځاى شوى دى.

د تګاب د سيمه ييزو پوليسو قوماندان اسد اغا ساپي د ليندۍ په ١٢مه پژواک خبري اژانس ته وويل چې د دې ولسوالۍ په شکوټ سيمه کې د طالبانو يو پياوړی سيمه ييز قوماندان له حکومت سره يو ځاى شوى دى.

هغه زياته کړه: ((دا ډېر پياوړی قوماندان دى، قوماندان تواب نومېږي چې له خپلو پنځوسو کسانو سره پرون حکومت ته تسليم شو.))

ده وويل چې ډېری وخت به د دغه قوماندان کسانو د تګاب او اله ساى ولسواليو تر منځ لويه لار  په ورځو ورځو تړلې وه.

خو ساپې وايي: ((اوس به دغه لار هم امن شي او په شکوټ سيمه کې به د افغانستان بيرغ هم هسک کړو.))

د هغه د معلوماتو له مخې، قوماندان تواب له لسګونه ميله راکټ، کلاشينکوف، پيکا او نورو جنګي مهماتو سره له حکومت سره يو ځاى شو.

دغه راز په کاپيسا کې د سولې عالي شورا مشر مولوي مومن مسلم هم له حکومت سره د ياد قوماندان يو ځاى کېدل تاييد کړل.

هغه پژواک ته وويل: ((دغه قوماندان ته موږ نن له غرمې وروسته رسمي برنامه نيولې چې له خپلو شاوخوا ٤٠ کسانو سره به له حکومت سره يوځاى کېږي.))

د مسلم په وينا، دغه ډله د کاپيسا د امنيې قوماندانۍ د هلو ځلو په پايله کې له حکومت سره يو ځاى شوې ده.

د تګاب ولسوالۍ د تره خېلو سيمې اوسېدونکي خيرالله پژواک ته وويل: ((قوماندان تواب دېر قوي سړى دى، په جګړه کې ډېر سخت مهارت لري، تل به يې د مسافرو پر مخ لارې تړلې خو اوس به نور دغه ستونزه نه وي.))

په دې اړه د قوماندان تواب د نظر پر اخيستو ونه توانيدو.

خو په تګاب ولسوالۍ کې د سيمه ييزو طالبانو يو بل قوماندان د نوم د نه اخيستو په شرط پژواک ته وويل چې قوماندان تواب پرون له خپلو کسانو سره له حکومت سره يوځاى شوى دى.

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه