کابل (پژواک، ٢٦ مرغومى ٩٤): پاکستان ١٦٠ افغانان چې په خيبر پښتونخوا کې يې د قانوني اسنادو نه لرلو په تور نيولي وو، په تورخم کې افغان مسوولينو ته سپارلي دي.
پاکستاني رسنيو د مرغومي په ٢٦مه خبر ورکړى چې دغه کسان د خيبر پښتونخوا ايالت له بېلابېلو سيمو د قانوني اسناد نه لرلو په تور نيول شوي وو.
سرچينې زياته کړې چې دا کسان پرون په تورخم کې افغان مسوولينو ته وسپارل شول.
د يوه بل خبر له مخې، پاکستاني امنيتي ځواکونو ادعا کړې چې څلور افغانان يې په کراچۍ ښار کې نيولي چې د افغان امنيتي ځواکونو سرتېري دي.
د یاد هېواد رسنيو خبر ورکړى چې دغه څلور افغانان په کراچۍ ښار کې نيول شوي دي.
سرچينه وايي چې نيول شوي کسان امان الله، عزيز، حکمت او عبدالغفار نومېږي، د افغان امنيتي ارګانونو سرتېري دي.
ځايي امنيتي چارواکو ويلي چې دغو کسانو ته يې دوسيې جوړې کړې او د نورو پلټنو لپاره يې محکمې ته سپارلي دي.
د سرچينې د معلوماتو له مخې، په لومړنيو پلټنو کې نيول شوو کسانو ويلي چې د غزني ولايت اوسېدونکي دي او له ډېرې مودې راهيسې په کراچۍ کې مېشت وو.
غړيYou need to subscribe to view the full article. Please login or register a new account.
