مزارشریف (پژواک، ۱۴ وری ۹۵): د کډوالو چارو وزارت چارواکي له هېواده د کډوالى ستر لاملونه بېکاري او نا امني بولي او زياتوي چې اروپايې هېوادونه بايد افغانان په زور له خپلو هېوادونو ونه باسي.
د کډوالو چارو وزارت د څېړنې او مطالعاتو مرکز رييس علي رضا موحدي د وري په ۱۴مه له غرمې وروسته په مزارشريف ښار کې د کډوالۍ په تړاو غونډې په څنډه کې پژواک خبري اژانس ته وويل چې له هېواده د کډوالۍ له ټولو ستر لاملونه نا امني او بېکاري دي.
نوموړي زياته کړه چې په تېره يوه کلنه لړۍ کې ۲۵۰زره افغانان د اروپايي هېوادونو کډوالۍ ته اړ شوي دي.
د هغه په وينا، په دې کډوالۍ کې زياته برخه له افغانستانه وتلي کسان دي؛ خو ځيني افغانان چې له پخوا په روسيه، ايران او نورو ګاونډيو هېوادونو کې مهاجر وو، د اروپا په لور مهاجرت ته زړه ښه کړی دی.
موحدي وويل چې که څه هم دوی اروپايي هېوادونو ته د افغانانو د مهاجرت په مخنيوي کې په بېلابېلو ډولونو تبليغاتي چارې ترسره کوي؛ خو دې ته هم چمتو نه دي چې اروپايي هېوادونو ته مهاجر شوي افغانان دې په زور بېرته و ايستل شي.
نوموړي زياته کړه چې په همدې موخه يې له ځينو اروپايي هېوادونو سره د تفاهم پيدا کېدو هڅې هم کړې دي.
د هغه په وينا، که چېرې په اروپايي هېوادونو کې يو مهاجر افغان د هغه هېواد قوانينو په نظر کې نيولو سره هلته د اوسېدو جوګه نه وي؛ نو بايد له نړيوالو اصولو سره برابره چلند ورسره وشي.
موحدي وويل چې دمګړۍ افغانستان د دې جوګه نه دی چې ترې وتلي افغانان بېرته په ډله یيز ډول راستانه کړای شي.
د بلخ د مهاجرينو رييس د يادې غونډې په څنډه کې پژواک خبري اژانس ته وويل چې اروپايي هېوادونو ته د تېر يو کلن مهاجرت په لړ کې د دغه ولايت اوسېدونکو هم مهاجر شوي دي.
نوموړي د بلخ د کډوال شوو کسانو په اړه کره معلومات نه لرل؛ خو په مزارشريف کې د المان قونسلګرۍ د معلوماتو پر بنسټ يې زياته کړه چې د ټول شمال په کچه له ۱۵۰زره څخه ډېر کسان په تېر يو کال کې اروپايي هېوادونو ته کډوال شوي دي.
غړي
You need to subscribe to view the full article. Please login or register a new account.
