منځپانګې ته تلل
دوشنبه ۱۶ نومبر ۲۰۲۶ · کابل ۵:۲۹ غ.م
۱° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی
غړي

طالبانو په کاپیسا کې یو زده کوونکی د جاسوسۍ په تور وژلی

· ۲ دقیقې لوستل · ۱۳۰ کتنې

محمودراقي (پژواک، ٣٠ زمرى ٩٥): چارواکي وايي چې وسله والو طالبانو په کاپيسا ولايت کې د ښوونځي يو زده کوونکى د جاسوسۍ په تور وژلى دى.

د کاپيسا د والي وياند قيس قادري د زمري په ٣٠مه پژواک خبري اژانس ته وويل چې دا پېښه د دويم کوهستان ولسوالۍ د توخک په سيمه کې رامنځته شوې ده.

هغه زياته کړه چې د يادې سيمې د ښوونځي د يوولسم ټولګي يو زده کوونکى تېره اونۍ نادرکه شوى و، خو نن يې په تګاب ولسوالۍ کې جسد موندل شوى دى.

د نوموړي په وينا، وسله والو طالبانو دغه زده کوونکی د جاسوسۍ په تور وژلى دى.

قادري وايي: ((دغه زده کوونکى ماښام مهال د ملا خليل له سيمې څخه نادرکه شوى و او جسد يې د تګاب ولسوالۍ د اخند زاده خېلو په سيمه کې په داسې حال کې موندل شوی چې وسله والو پر ډزو سره وژلى دى.))

هغه زياتوي چې وسله والو د هغه پر سينه يو ليک اېښى و او په کې يې تور پورې کړى و چې حکومت ته يې جاسوسي کوله.

ده وويل چې وژل شوى زده کوونکى ٢٠ کاله عمر درلود مړی یې د سيمې د علماوو او سپين ږيرو په مرسته کلينيک ته ولېږدول شو او بيا وروسته يې کورنۍ ته وسپارل شو.

د تګاب د شينکي د سيمې اوسېدونکي تاج محمد پژواک ته وويل چې په دې وروستيو کې په دې ولسوالۍ کې د جاسوسۍ او شخصي بديو له امله د خلکو وژنې زياتې شوې دي.

وسله والو طالبان تر اوسه په دې اړه څه نه دي ويلي.

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه