منځپانګې ته تلل
دوشنبه ۱۶ نومبر ۲۰۲۶ · کابل ۸:۴۴ غ.م
۷° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

بلخ کې چاودنې ۱۵ ملکي وګړو ته مرګ ژوبله اړولې

· ۱ دقیقه لوستل · ۱۰۱ کتنې

مزارشريف (پژواک، ٤ وږى ٩٥): په ولسي جرګه کې د بلخ پر یوه وکيل چاودنه کې ۱۵ ملکي وګړو ته مرګ ژوبله اوښتې ده، خو خپله وکیل ترې روغ وتلی دی.

د بلخ د امنيې قوماندانۍ د امنيت امر سمونوال عبدالرزاق قادري د وږي په ٤مه پژواک خبري اژانس ته وويل چې دا چاودنه نن له غرمې مخکې شاوخوا لس نيمې بجې د خلم ولسوالۍ په بازار کې شوې ده.

هغه زياته کړه چې چاودېدونکي توکي په يوه بوجۍ کې ځاى پر ځاى شوي وو او موخه يې په ولسي جرګه کې د بلخ وکيل اسدالله شريفي و، خو هغه ترې روغ وتلى دى.

د امنيت امر وويل چې په دې چاودنه کې درې ملکي وګړي وژل شوي او ١٢ نور ټپيان دي.

د نوموړي په وينا، ټپيان روغتون ته وړل شوي، خو د هغوى د روغتيايي حالت په اړه يې معلومات نه درلودل.

په دې اړه به نور معلومات وروسته خپاره شي.

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه