مزارشريف (پژواک، ٨ وږى ٩٥): د بلخ ولايت په دولت اباد ولسوالۍ کې د يوې نښتې په ترڅ کې دوه امنيتي سرتېري او دوه وسله وال بريدګر وژل شوي دي.
د بلخ د امنيې قوماندانۍ وياند شېرجان دراني د وږي په ٨مه پژواک خبري اژانس ته وويل چې دا پېښه نن له غرمې مخکې شاوخوا ١١ بجې د دولت اباد ولسوالۍ د بازار په دروازه کې رامنځته شوې ده.
هغه زياته کړه چې د دوشنبې په ورځ هلته لوى بازار جوړېږي، د شاوخوا کليو خلک راځي او امنيتي سرتېري يې امنيت نيسي.
دراني وويل، دوه موټرسايکل سپاره د بازار په دروازه کې پر امنيتي سرتېرو ډزې کړې چې له امله يې يو پوليس او يو د ملي امنيت سرتېرى وژل شوي دي.
د نوموړي په وينا، د نورو سرتېرو په ځوابي بريد کې دواړه بريدګر هم وژل شوي دي.
د عبدالکريم په نوم د سيمې يوه اوسېدونکي پژواک ته وويل چې پوليس په تلاشۍ بوخت وو چې ناڅاپه ډزې وشوې.
دى وايي چې د دواړو بريدګرو جسدونه يې ليدلي دي.
وسله والو مخالفينو تر اوسه په دې اړه څه نه دي ويلي.
غړيYou need to subscribe to view the full article. Please login or register a new account.










