چاودنې په پکتيا کې پنځه پوليس وژلي

ګردېز (پژواک، ١٨ لړم ٩٥): امنیتي چارواکي وايي چې په پکتيا ولايت کې د يوې چاودنې له امله پنځه پوليس وژل شوي دي.

د پکتيا ولايت امنيه قوماندان مل پاسوال قادرګل ځدراڼ د لړم په ١٨مه پژواک خبري اژانس ته وويل چې داچاونه تېره ورځ له ماښام وروسته د احمدخېلو ولسوالۍ په احمدخېلو کلي کې شوې وه.

هغه زياته کړه چې د ولسوالۍ پوليس په ياده سيمه کې په خپل موټر کې پر ګزمې بوخت وو چې د سړک غاړې ماين چاودنه پرې وشوه.

ځدرا‌ڼ وايي چې په چاودنه کې پنځه پوليس وژل شوي او د هغوى موټر هم له منځه تللى دى.

طالب وياند ذبيح الله مجاهد هم وايي چې په احمدخېلو ولسوالۍ کې يې د پوليسو پر  ټانک چاودنه کړې، چې له امله يې په کې سپاره ټول پوليس وژل شوي دي.

غړي

You need to subscribe to view the full article. Please login or register a new account.