کابل (پژواک، ١٩ سلواغه ٩٥): پاکستاني چارواکو په دغه هېواد کې د افغان کډوالو د پاتې کېدو موده د روان ميلادي کال تر پايه وغځوله.
دغه پرېکړه نن (د سلواغې ١٩مه) د پاکستان د لومړي وزير نوازشريف په مشرۍ د کابينې په جوړه شوې غونډه کې وشوه.
په دې غونډه کې د منظور شوې پاليسۍ له مخې راجستر شوي افغان کډوال کولاى شي د روان ميلادي کال د ډسمبر مياشتې تر ٣١مې نېټې پورې په پاکستان کې پاتې شي.
دا په داسې حال کې ده چې تېر کال همدې کابينې د ٢٠١٧ ميلادي کال د مارچ مياشتې تر پايه د افغان کډوالو د پاتې کېدو پرېکړه کړې وه.
د پاکستان د اطلاعاتو او خپرونو وزيرې مريم اورنګزيب وويل چې د کابينې په دې غونډه کې د کورنيو چارو وزارت ته دنده وسپارل شوه چې هر څه ژر په دغه هېواد کې د افغان کډوالو د راجسترولو پروسه بشپړه کړي.
د همدې پاليسۍ له مخې، له دې وروسته له ويزې پرته هېڅ افغان نه شي کولاى چې پاکستان ته داخل شي.
وروسته تر هغه له پاکستان څخه افغانستان ته د مهاجرينو د راتګ لړۍ ګړندۍ شوه چې هلته د پوليسو له لوري پر کډوالو زور زياتى پيل شو خو دلته په افغانستان کې ورته اسانتياوې برابرې شوې.
د يادونې وړ ده، د کډوالو په چارو کې د ملګرو ملتونو عالي کمېشنرۍ له پاکستان څخه هر ستنېدونکي افغان کډوال ته په لومړيو کې دوه سوه خو وروسته يې دغه رقم څلور سوو ډالرو ته لوړ کړ.
د همدې کمېشنرۍ د معلوماتو له مخې، په ٢٠١٦ کال کې له پاکستان څخه شاوخوا ٣٨٠زره راجستر شوي افغان کډوال بېرته خپل هېواد ته راستانه شوي دي.
غړيYou need to subscribe to view the full article. Please login or register a new account.
