منځپانګې ته تلل
دوشنبه ۱۶ نومبر ۲۰۲۶ · کابل ۵:۱۴ غ.م
۱° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی
غړي

کاپیسا کې یوه ځانمرګې نیول شوې ده

· ۱ دقیقه لوستل · ۱۲۹ کتنې

محمودراقي (پژواک، ١٣ ورى ٩٦): د ملي امنيت ځواکونو په کاپيسا ولايت کې يوه ځانمرګې بريدګره نيولې ده.

د کاپيسا د امنيې قوماندانۍ وياند محمد ايوب يوسفزي د وري په ١٣مه پژواک خبري اژانس ته وويل چې تېره شپه د ملي امنيت ځواکونو د نجراب ولسوالۍ په افغانيه سيمه کې عمليات کړي دي.

هغه وويل چې په دغو عملياتو کې يوه ځانمرګې ښځه او ورسره يو بل سړى نيول شوي دي.

ده زياته کړه چې ياد کسان پلازمېنې کابل ته لېږدول شوي دي.

دغه راز هغه وويل چې سيمه ييزو پوليسو د نجراب ولسوالۍ په بازار کې د قاري انس په نوم يو کس هم پر ډزو وژلى دى.

ده وويل چې قاري انس په تېر يو کال څو سيمه ييز پوليس پر ډزو وژلي وو چې نن غرمه خپله و وژل شو.

نجراب د کاپيسا د نا امنو ولسواليو له ډلې ده چې يو شمېر سيمې يې له وسله والو طالبانو سره دي.

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه