منځپانګې ته تلل
دوشنبه ۱۶ نومبر ۲۰۲۶ · کابل ۶:۲۹ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

بلخ کې د يوه ښوونځي دوه ساتونکي وژل شوي

· ۱ دقیقه لوستل · ۱۱۸ کتنې

مزارشريف (پژواک، ٢٤ چنګاښ ٩٦): چارواکي وايي چې وسله والو مخالفينو په بلخ ولايت کې د يوه ښوونځي دوه ساتونکي وژلي دي.

د دغه ولايت د امنيې قوماندانۍ وياند شېرجان دراني د چنګاښ په ٢٤مه پژواک خبري اژانس ته وويل چې دا پېښه پرون د دغه ولایت د بلخ ولسوالۍ د القيچي په کلي کې رامنځته شوې ده.

هغه زياته کړه چې وسله والو مخالفينو د ياد کلي د ښوونځي دوه ساتونکي وژلي او په خپله تښتېدلي دي.

درانى وايي چې پوليسو په دې اړه ‌پلټنې پيل کړې دي.

بلخوا د سيمې يوه اوسېدونکي قدرت الله پژواک ته وويل چې ياد ساتونکي د سيمې د پاڅونوالو له خوا د ښوونځيو د ساتلو لپاره ګومارل شوي وو.

وسله والو مخالفينو تر اوسه په دې اړه څه نه دي ويلي. 

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه