منځپانګې ته تلل
دوشنبه ۱۶ نومبر ۲۰۲۶ · کابل ۵:۲۵ غ.م
۱° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی
غړي

تګاب کې وسله والو مخالفينو هلک او نجلۍ وژلي

· ۲ دقیقې لوستل · ۱۳۴ کتنې

محمود راقي (پژواک، د تلې لومړۍ نېټه، ٩٦) : وسله والو کسانو د کاپيسا په  تګاب ولسوالۍ کې يو ځوان هلک او يوه پېغله نجلۍ په ډزو سره وژلي دي.

د سيمې اوسېدونکي وايي ، چې دا پېښه نن سهار  د تګاب ولسوالۍ د ميره خېلو په سيمه کې رامنځته شوې ده.

د تګاب ولسوالۍ يوه اوسېدونکي لعل ګل د تلې په لومړۍ نېټه، پژواک خبري اژانس ته وويل : ((دغه هلک څو مياشتې وړاندې خپله ښينه ( د مېرمن خور) له ځانه سره ايران ته تښتولې وه، چې هلک دوه کوچني ماشومان هم لري .))

د هغه په وينا، ځينو کسانو دوى په چل سره تګاب ولسوالۍ ته راوستي وو، چې نن سهار بيا د حکومت د وسله والو مخالفينو لخوا ووژل شول.

د سيمې يوه بل اوسېدونکي طاهر پژواک ته وويل، وسله والو مخالفينو نجلۍ او هلک خپلې ساحې ته لېږدولي و، چې مړي يې له وژلو وروسته د يادې سيمې اوسېدونکي ته سپارلي دي.

هغه وايي، وژل شوي هلک ايران هېواد کې خلکو ته اقرار کړی و، چې پخوانى ښځه يې طلاقه کړې او د هغې له خور سره يې نکاح کړې ده.

د کاپيسا د امنيه قوماندانۍ وياند محمد ايوب يوسفزي په دې اړه وويل، چې دوى تر اوسه په دې اړه کوم راپور نه دى ترلاسه کړى

خو هغه زياته کړه، چې د کوه بند په درنامې سيمه کې د وسله والو په يو کمين کې د يوه پخواني قوماندان د کورني دوه غړو ته مرګ ژوبله اوښتې ده.

وسله والو مخالفينو تر اوسه په دې اړه څه نه دي ويلي.

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه