منځپانګې ته تلل
دوشنبه ۱۶ نومبر ۲۰۲۶ · کابل ۷:۰۴ غ.م
۱° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

په مزار ښار کې چاودنې درېيو کسانو ته مرګ ژوبله واړوله

· ۱ دقیقه لوستل · ۱۴۰ کتنې

مزارشريف (پژواک، ۲۶ ليندۍ، ۹۶): د بلخ ولايت په مرکز مزارشريف ښار کې د چاودنې له امله يو تن وژل شوی او دوه نور ټپيان دي.

د دغه ولايت د امنيه قوماندانۍ د امنيت امر سمونوال عبدالرزاق قادري د ليندۍ په ۲۶مه، پژواک ته وويل چې پېښه د ښار سوېل لور ته په نور چوک کې شوې ده.

نوموړي زياته کړه، شخصي سرف موټر کې د چسپکي ماين له امله چاودنه شوې، چې درې کسانو ته په کې مرګ ژوبله اوښتې ده.

د هغه په وينا، يو کس وژل شوی او دوه نور ټپيان دي چې درې واړه ملکي وګړي دي.

قادري د پېښې د لامل په تړاو وويل، په اړه يې څېړنې روانې دي.

ددې چاودنې مسووليت تر اوسه چا نه دى منلى .

په دې وروستيو کې په مزارشريف ښار کې د ورته چسپکي ماينونو چاودنې زياتې شوې دي.

دوه اوونۍ وړاندې هم د ښار په بلخ دروازه سيمه کې د چسپکي ماين له امله يو کس وژل شوی و.

غړي

You need to subscribe to view the full article. Please login or register a new account.

اړوند خبرونه

ټول امنیت او جرمونه