​د کاپيسا د پوليسو يوې حوزې امر ووژل شو

محمودراقي (پژواک، ٣٠  سلواغه ٩٦): چارواکي وايي چې په کاپيسا ولايت کې د پوليسو د يوې امنيتي حوزې امر وژل شوى دى.

د دغه ولايت د امنيې قوماندانۍ وياند محمد ايوب يوسفزي د سلواغې په ٣٠مه پژواک خبري اژانس ته وويل چې نن سهار د ولايت د مرکز محمودراقي اړوند سيمه کې پر موټرسايکل سپور وسله وال د کاپيسا د زندان پر يو افسر ډزې وکړې  او هغه يې ټپي کړ.

سرچينې زياته کړې چې د يادې پېښې د تعقيب لپاره د نواباد د پوليسو د حوزې امر سيمې ته ولاړ او هلته يې له وسله والو مخالفينو سره نښته پيل کړه.

يوسفزى وايي چې په نښته کې د حوزې امر ملاجان لومړى ټپي  او وروسته يې ساه ورکړه.

د نوموړي په وينا، ياد بريدګر هم د پوليسو په ځوابي ډزو کې وژل شوى دى.

د شفيق الله په نوم د سيمې يوه اوسېدونکي هم پېښه تاييد کړه او ويې ويل چې هلته سخته نښته هم شوې وه.

غړي

You need to subscribe to view the full article. Please login or register a new account.