کندوز (پژواک، ۲۹ چنګاښ ۹۷): د کندوز امنيتي چارواکي په دغه ولایت کې پر یوې امنیتي پوستې د طالبانو په برید کې د ۱۲ سیمه ییزو پولیسو د وژل کېدو او اوو نورو د ټپي کېدو خبر ورکوي.
په دغه ولایت کې یوې امنیتي سرچینې چې نه غواړي نوم یې په راپور کې خپور شي، د چنګاښ په ۲۹مه پژواک خبري اژانس ته وویل چې دغه پېښه تېره شپه ناوخته د امام صاحب ولسوالۍ د امام الدین څلورلارې سیمه کې رامنځته شوې ده.
سرچینې د وسله والو طالبانو د تلفاتو په اړه څه ونه ویل.
په عین حال کې د کندوز د پولیسو ویاند انعام الدین رحماني په امام صاحب ولسوالۍ کې د پولیسو پر امنیتي پوسته برید او له امله یې د سیمه ییزو پولیسو مرګ ژوبله مني خو شمېره یې په ډاګه نه کړه.
رحماني دغه راز وویل چې تېره شپه امنیتي ځواکونو هم د یادې ولسوالۍ د کونچک سیمې درې له لاسه وتلې پوستې بېرته نیولې او وسله والو مخالفینو ته یې ګڼه مرګ ژوبله اړولې ده.
طالبانو تر اوسه د دې پېښو په اړه څه نه دي ویلي.
غړيYou need to subscribe to view the full article. Please login or register a new account.
