افغان ځواکونو کندوز کې د طالبانو له زندانه پنځه بنديان ازاد کړل

کندوزښار(پژواک،١٣زمرى٩٧): افغان ځانګړو ځواکونو د کندوز په دشتي ارچي ولسوالۍ کې د طالبانو پر يو زندان چاپه وهلې او پنځه تنه يې ازاد کړي دي.

د دشتي ارچي ولسوالۍ امنيه قوماندان سمونمل نيازمحمد نن د زمري په ١٣مه پژواک خبري اژانس ته وويل چې تېره شپه افغان ځانګړو ځواکونو د ځمکې او هوا له لارې د دې ولسوالۍ په باجوړو سيمه کې د طالبانو پر يو زندان عمليات کړي دي.

هغه وايي چې د دغو عملياتو په ترڅ کې پنځه تنه د طالبانو له زندان څخه ژغورل شوي او شپږ تنه طالبان بيا لا درکه شوي دي.

نوموړي په دغه پېښه کې د افغان ځواکونو د مرګ ژوبلې په اړه څه ونه ويل.

دغه راز د کندوز د ولايت مقام مطبوعاتي دفتر هم د يوې خبرپاڼې په خپرولو سره پېښه تاييد کړې ده.

سرچينه وايي چې ازاد شوي زندانيان هوايي ځواکونو له ځانه سره بيولي دي او د عملياتو پرمهال يې طالبانو ته هم مرګ ژوبله اړولې ده.

وسله والو طالبانو تر اوسه په دې اړه څه نه دي ويلي.

غړي

You need to subscribe to view the full article. Please login or register a new account.