فراه (پژواک، ١٨ لړم۹۷): د ولايتي شورا يو غړى وايي، طالبانو تېره شپه له پنځو لوريو پر فراه ښار د بريدونو پر مهال يوه پوسته نيولې او په دغو نښتو کې اته پوليس او اووه وسله وال طالبان وژل شوي دي.
د فراه د ولايتي شورا مرستيال حاجي خيرمحمد پژواک خبري اژانس ته وويل، طالبانو غوښتل چې د فراه ښار ونيسي، خو بريالي نه شول.
ده د دغو نښتو د مرګ ژوبلې په اړه وويل:" فراه ښار کې د معلم پايګُل باغ پوسته د جګړې له پيل نه لس دقيقې وروسته طالبانو ونيوه، په دغې پوسته کې ٧ پوليس وژل شوي او د پوستې ټولې وسلې او مهمات طالبانو وړي دي."
دغه راز د ده په وينا، تېره شپه د فراه ښار د لومړۍ ناحيې اړوند په شيخ اباد سيمه کې د بې پيلوټه الوتکې په يو بريد کې ٧ تنه وسله وال مخالفين وژل شوي او سراچه ډوله موټر يې هم له منځه تللى دى.
نوزرى زياتوي چې تېره شپه د يادې لومړۍ ناحيې په اړوند سيمه کې د پوليسو د ځانګړې قطعې يو افسر له طالبانو سره په نښته کې وژل شوى او له دولتي ځواکونو څخه څو تنه ټپيان دي.
تېره شپه تر ټولو سخته نښته د والي د دفتر په شاوخوا اته کيلومترۍ کې وشوه.
پژواک هڅه وکړه چې د تېرې شپې د دغو نښتو په اړه له ولايتي چارواکيو سره خبرې وکړي، خو اړيکه ورسره ټينګه نه شوه.
د وسله والو طالبانو وياند قاري يوسف احمدي، په دغو نښتو کې د طالبانو وژل کېدل ردوي او وايي چې طالبانو د فراه ښار کې تېره شپه يوه پوسته نيولې او اووه پوليس يې وژلي دي.
د ده په وينا، د يادې پوستې اته ميله وسلې د طالبانو لاسته ورغلي دي.
د راپورونو له مخې، له وروستيو درېيو ورځو راهيسې په فراه کې له دولتي ځواکونو څخه لسګونه تنه وژل شوي او ٣٧ نور طالبانو نيولي دي.
غړيYou need to subscribe to view the full article. Please login or register a new account.
