تالقان (پژواک، ٢٠ وږى ٩٨): د تخار حکومتي مسوولين وايي چې د دغه ولايت په دوو ولسواليو کې ٤٠ وسله وال طالبان وژل شوي او ٣٠ نور ټپيان شوي، خو طالبان بيا دغه څرګندونې ردوي.
د تخار د والي وياند جواد هجري د وږي په ٢٠مه پژواک خبري اژانس ته وويل چې تېره شپه افغان ځواکونو په درقد او خواجه بهاءالدين ولسواليو کې د وسله والو طالبانو پر مرکزونو بريدونه کړي دي.
هغه وايي چې د دغو بريدونو پر مهال د پنځو ډلمشرانو په ګډون ٤٠ وسله وال طالبان وژل شوي او ٣٠ نور ټپيان شوي، وسلې او تجهيزات يې له منځه تللي دي.
هجري زياتوي چې امنيتي ځواکونه به ډېر ژر د ينګي کلا او درقد ولسواليو د بېرته نيولو لپاره هم عمليات ترسره کړي.
هغه زياته کړه: ((مرستندوی ځواکونه تخار ته رسېدلي او د طالبانو پر وړاندې به ډېر ژر عمليات پيل کړي.))
دا په داسې حال کې ده چې په تېرو څو ورځو وسله والو طالبانو د تخار درقد او ينګي کلا ولسوالۍ نيولې دي.
دغه راز د تخار د امنيې قوماندانۍ وياند سمونيار خليل اسير هم پژواک ته وويل چې په خواجه بهاءالدين او درقد ولسواليو کې طالبانو ته درنه مرګ ژوبله اوښتې ده.
ده زياته کړه: ((اول پرې هوايي بريدونه شوي څو دوى کمزوري شي او اوس به پرې پراخ پوځي عمليات پيل شي.))
خو د خواجه بهاءالدين ولسوالۍ اوسېدونکي لطيف بيا پژواک ته وويل چې تېره شپه د ولسوالۍ په بازار کې سخته جګړه شوې ده.
هغه وايي: ((طالبانو بېګاه څو پوستې نيولې دي، اوس جګړه نشته خو ډېر امکان شته چې وروسته بيا جګړه پيل شي.))
په ورته وخت کې د تخار ولايتي شورا منشي اعظم فضلي پژواک ته وويل چې په دغه ولايت کې امنيتي وضعيت د اندېښنې وړ دى.
فضلي وويل چې د خواجه بهاءالدين او خواجه غار ولسواليو وضعيت هم ښه نه دى که چېرې جدي پاملرنه ورته ونه شي، امکان لري سقوط وکړي.
خو بل لور ته طالب وياند ذبيح الله مجاهد بيا وايي چې د تخار په درقد او خواجه بهاءالدين ولسواليو کې دوى ته مرګ ژوبله نه ده اوښتې.
هغه زياته کړه: ((د تخار د درقد او خواجه بهاءالدین اړوند سیمو کې ۷۰ مجاهدینو ته د تلفاتو اړولو ادعا هېڅ حقیقت نه لري.))
د يادونې ده، په دې وروستيو کې طالبانو د تخار د دوو ولسواليو ترڅنګ په کندوز ولايت کې هم يوه ولسوالۍ نيولې ده.
غړيYou need to subscribe to view the full article. Please login or register a new account.
