فراه (پژواک، ۱۶ غبرګولی ۹۹) : د فراه ولایت امنیه قومانداني وایي چې د وسله والو طالبانو دیوه برید د مخنیوي په موخه هوایي برید شوی چې په ترڅ کې یې ۱۶ وسله وال طالبان وژل شوي دي.
د فراه د امنیه قوماندانۍ ویاند مُحب الله مُحب د غبرګولي په ۱۶مه، پژواک اژانس ته وویل چې تېره شپه یوه بجه وسله والو طالبانو غوښتل چې د فراه ښار په څنډه کې پر امنیتي پوستو بریدونه وکړي. خو هغه زیاته کړه چې د امنیتي ارګانونو د قوي استخباراتي معلوماتو په اساس, پر بریدګرو هوایي برید وشو چې په ترڅ کې یې ۱۶ ووژل شول او پنځه تنه نور يې ټپیان شوي دي. د مُحب په وینا، په وژل شویو کسانو کې د ملا زرقاوي په نامه د هغوی یو تن سیمه ییز قوماندان هم شامل دی. د سیمې یو تن اوسېدونکي چې د نوم له څرګندولو یې ډډه کوله هم یاده مرګ ژوبله تایید کړه او ویې ویل چې جسدونه اوس هم په سیمه کې پراته دي. وسله والو طالبانو تر اوسه په دې اړه څه نه دي ویلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن