تالقان (پژواک، ١٣ تله ٩٩): د تخار ولایت په مربوطاتو کې د حکومتي ځواکونو او وسله والو طالبانو ترمنځ جګړې له امله د تالقان- کابل لويه لار د خلکو پر مخ تړل شوې او لس ملکي وګړي هم په کې ټپيان شوي دي.
د تخار د مسوولينو په وينا، طالبانو په همدې سيمه کې دوه پلونه پر بمونو الوځولي او د لارې د تړل کېدو له امله دواړو لورو ته سلګونه موټر ولاړ دي.
د تخار د امنيې قوماندانۍ وياند سمونيار خليل اسير د تلې په ١٣مه پژواک خبري اژانس ته وويل چې وسله والو طالبانو نن سهار د تخار- کابل لويې لارې د قبر قاضي په سيمه کې د حکومتي ځواکونو پر پوستو بريدونه کړي دي.
د هغه په وينا، جګړه اوس هم روانه ده چې له امله يې د تالقان- کابل لويه لار تړل شوې ده.
هغه زياته کړه: ((دواړو خواوو ته سلګونه موټر د جګړې د پاى په انتظار کې ولاړ دي، طالبانو په همدې سيمه کې دوه پلونه هم پر بمونو الوځولي څو د حکومتي ځواکونو د اکمال لار وتړل شي.))
د اسير د معلوماتو له مخې، په دې جګړه کې تر اوسه د حکومتي ځواکونو او وسله والو طالبانو د مرګ ژوبلې شمېره نه ده په ډاګه شوې خو لس ملکي وګړي ټپيان شوي دي.
دغه راز د يادې لارې د قلبرس سيمې اوسېدونکي حکمت پژواک ته وويل چې طالبانو په قبر قاضي سيمه کې د پاڅونوالو پر پوستو بريدونه کړي دي.
دى وايي: ((درې ورځې کېږي چې دلته جګړه روانه ده، لار بنده ده خلکو ته مالي زيانونه اوښتي دي.))
د حکمت په وينا، د يادې لارې په اوږدو کې د حکومتي ځواکونو پوستې نشته، خو څو چې چاڼيز عمليات ترسره نه شي او پوستې بېرته جوړې نه شي، دا لار به همداسې نا امنه او د خلکو پر مخ تړلې وي.
د يادونې ده، په دې وروستيو کې د جنايي پېښو ترڅنګ د هېواد په بېلابېلو سيمو کې د حکومتي ځواکونو او وسله والو طالبانو ترمنځ جګړو زور اخيستى چې له امله يې ملکي خلکو ته هم مرګ ژوبله اوړي.
غړيYou need to subscribe to view the full article. Please login or register a new account.
