د کندوز ولایت مقام کې چاودنې ۱۱ سرتیرو ته مرګ ژوبله اړولې

کندوز (پژواک، ۱۱ لړم ۹۹) : د کندوز په ولایت مقام کې د یوې چاودنې له امله شاوخوا ۱۱ سرتیرو ته مرګ ژوبله اوښتې ده.

 یوې باوري امنیتي سرچینې د لړم په ۱۱مه، پژواک اژانس ته وویل چې نن ماښام مهال د ولایت مقام دننه میلمستون سره په هغه ځای کې چاودنه وشوه، چې د والي ساتونکو او نورو سرتیرو د والیبال لوبه کوله.

سرچینې زیاته کړه، چې هلته د هوان د یوې مرمۍ لګیدو له امله درې سرتیري وژل شوي او اته نور ټپیان شوي دي.

د کندوز د عامې روغتیا رییس ډاکټر احسان الله فضلي پژواک ته وویل چې ملکي روغتون ته دوه جسدونه او اته ټپیان راوړل شوي دي.

د کندوز د ولایتي شورا رییس محمد یوسف ایوبي پژواک ته وویل چې په دې پيښه کې څلور سرتیري وژل شوي او اوه نور ټپیان دي.

نوموړی وایي چې تر اوسه د چاودنې نوعیت نه دی معلوم او په اړه یې څیړنې پیل شوې دي.

ددې پيښې مسوولیت تر اوسه چا په غاړه نه دی اخیستی.

غړي

You need to subscribe to view the full article. Please login or register a new account.