کندوز ښار (پژواک، ١٤ لړم ٩٩): د کندوز په خان اباد ولسوالۍ کې د ماين چاودنې له امله يو ملکي وګړى وژل شوى او ٢١ نور ټپيان شوي دي.
کندوز کې يوې امنيتي سرچينې د لړم په ١٤مه پژواک خبري اژانس ته وويل چې تېره شپه وسله والو طالبانو د خان اباد ولسوالۍ په اندرابي کلي کې د امنيتي ځواکونو يو بېز نيولى و.
د هغه په وينا، نن سهار طالبانو او ملکي خلکو غوښتل چې دغه بېز له منځه يوسي چې چاودنه پرې شوې ده.
دى وايي چې په دې چاودنه کې ١٥ ملکي وګړي ټپيان شوي او يو شمېر طالبانو ته هم مرګ ژوبله اوښتې ده.
په ورته وخت کې د خان اباد ولسوال حيات الله اميري هم د يادې پېښې په تاييد سره پژواک ته وويل چې مرګ ژوبله لري خو کره شمېره يې تر اوسه معلومه نه ده.
خو بل لور ته د خان اباد ولسوالۍ د روغتون امر ډاکټر رسول خان تلاش پژواک ته وويل چې له يادې پېښې يو مړى او ٢١ ټپيان تر اوسه روغتون ته انتقال شوي دي.
وسله والو طالبانو تر اوسه په دې اړه څه نه دي ويلي.
په دې اړه به نور جزئيات وروسته خپاره شي.
غړيYou need to subscribe to view the full article. Please login or register a new account.
