په فراه کې څلور سرحدي پوليس او درې طالبان وژل شوي

فراه(پژواک، ۲۴ لړم۹۹):د فراه ولايت په ابونصر فراهي بندر کې د نښتې له امله څلور سرحدي پوليس او درې وسله وال طالبان وژل شوي دي.

د فراه د امنيه قوماندانۍ وياند محب الله محب پژواک اژانس ته وويل چې سرحدي پوليس تېره ورځ مازيګر د ابونصر فراهي بندر کې د ګزمې پرمهال د وسله والو له کمين سره مخ شول.

نوموړي وويل چې په دې نښته کې څلور امنيتي سرتېري او درې طالبان وژل شوي دي.

د صادق په نوم يوتن وويل چې د تره زوى يې په يادو څلورو وژل شويو پوليسو کې شامل دى.

د دولت وسله والو مخالفينو تراوسه پورې په دې اړه څه نه دي ويلي.

 د شیخ ابونصر فراهي بندر د هېواد په لوېديځ کې واقع دى چې له ايران سره سرحد لري.

غړي

You need to subscribe to view the full article. Please login or register a new account.