کابل (پژواک، ۲۱ غویی ۱۴۰۰) : د سعودي عربستان سترې محکمې اعلان کړی چې د شوال میاشت ونه لیدل شوه ، ځکه نو کوچنی اختر به د پنجشنبې په ورځ وي.
تر دې مخکې د سعودي سترې محکمې له خلکو غوښتي وو، چې نن د سه شنبې په ورځ د رمضان د میاشتې په ۲۹مه، نیټه تر ماښام وروسته د شوال د میاشتې د لیدلو هڅه وکړي او دلیدلو په صورت کې نږدې مسوولینو ته خبر ورکړي.
د سعودي رسنیو ددغه هیواد دسترې محکمې د یوې خبرپاڼې په حواله خبر ورکړی چې د سعودي په هیڅ کومه برخه کې د شوال میاشت ونه لیدل شوه.
سرچینې زیاته کړې چې سبا چهارشنبه د روژې مبارکې میاشتې ۳۰مه او پنجشنبه به د نیکمرغه کوچني اختر لومړۍ ورځ وي.
په ګڼ شمیر نورو اسلامي هیوادونو کې هم پنجشنبه اختر اعلان شوی دی.
دا چې افغانستان روژې او اخترونه د سعودي د اعلان سره سم نیسي ، نو په افغانستان کې به د پنجشنبې په ورځ اختر وي.
Visits: 63
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن