کابل(پژواک، ۳۰ غویی ۱۴۰۱): د کانونو او پترولیم وزارت وایي چې ۱۰ شرکتونه د کندهار، زابل او لوګر ولایتونو د کرومایټ ډبرو کانونو د استخراج په داوطلبۍ کې ګټونکي اعلان شوي دي.
د هغې خبرپاڼې له مخې چې د کانونو او پټروليم وزارت په وېبپاڼه کې خپره شوې، د داوطلبۍ دغه پروسه پرون په ياد وزارت کې ترسره شوه.
سرچينې ويلي چې د کانونو او پټرولیم وزارت سرپرست شهاب الدین دلاور د کرومایټ ډبرو کانونو داوطلبي پروسه چې مخکې اعلان ته سپارل شوې وه، د موظف پلاوي او ۲۱۴ هغو شرکتونو په حضور کې چې د پروپوزلونو په ارزونه کې یې د داوطلبۍ شرایط پوره کړي وو، د رسنیو پر وړاندې په شفافه ټوګه ترسره شوه.
عبدالسلام شرکت في ټن د ۲۹۷۵۰ افغانیو په ارزښت د غلدره ساحې ګټونکی،
عطا اکسس شرکت في ټن د ۲۶۰۰۰ افغانیو په ارزښت د قلعه عبدالله کرومایت ساحې ګټونکی،
د همانیا اطلس شرکت في ټن د۲۹۲۰۰ افغانیو په ارزښت د هندو کاریز Cبلاک ساحې ګټونکی،
د ملي اطمینان شرکت في ټن د ۳۰۰۰۰ افغانیو په ارزښت د کاریز هندو Aبلاک ساحې ګټونکی،
د بهار قیام شرکت في ټن د ۳۰۰۰ افغانیو په ارزښت د بابوس ساحې ګټونکی،
د افغان یاسین شرکت في ټن د ۲۵۰۰۰ افغانیو په ارزښت د خوندیان ساحې ګټونکی،
د سټار پاسو شرکت في ټن د ۲۵۰۰۰ افغانیو په ارزښت د د کدو غر ساحې څلورم بلاک ګټونکی،
د فهیم ځلاند شرکت في ټن د ۲۶۹۰۰ افغانیو په ارزښت د کدو غر ساحې درېیم بلاک ګټونکی،
د ګلو ګلکسي شرکت في ټن د ۲۵۵۰۰ افغانیو په ارزښت د کدو غر ساحې د دویم بلاک ګټونکی، او
د خوشحال احمدي شرکت في ټن د ۲۶۵۰۰ افغانیو په ارزښت د کدو غر ساحې د لومړي بلاک ګټونکی په توګه د ارزونې موظف پلاوي له خوا اعلان شول.
په خبرپاڼه کې نورو جزئياتو ته اشاره نه ده شوې.
Visits: 66
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن