کابل (پژواک، ۱۵ غویی ۱۴۰۲): د ویلچرباسکټبال فدراسیون تایلنډ ته په اسیايي سیالیو کې د ګډون لپاره د افغانستان د ویلچرباسکټبال ملي لوبډلې د سفر خبر ورکړی دی.
یاد فدراسیون نن په خپله فیسبوکپاڼه کې لیکلي چې دغه لوبډله نن (جمعه) له غرمې وروسته د تایلنډ پر لور روانه شوې ده.
د پارالمپیک کمېټې مسوولینو ویلي چې یادې سیالۍ د اتو هېوادونو ترمنځ ترسره کېږي او د افغانستان د ویلچرباسکټبال ملي لوبډله خپله لومړۍ لوبه راتلونکې اونۍ د نیپال پر وړاندې ترسره کوي.
د ویلو ده، د ویلچرباسکټبال ملي لوبډله په یادو سیالیو کې د دې لوبه ګډون کوي چې د ۲۰۲۳ کال په اکتوبر کې د چین پارالمپیک نړۍوالو سیالیو ته لاره ومومي.
تېر کال هم د ۲۰۲۲ کال المپیک سیالیو ته د لارموندنې لپاره د یوولسو هېوادونو لوبغاړو په تایلنډ کې لوبې وکړې چې د هېواد د ویلچرباسکټبال ملې لوبډلې ۱۲ لوبغاړو پکې برخه لرله.
GET IN TOUCH
NEWSLETTER
SUGGEST A STORY
PAJHWOK MOBILE APP