<p style="text-align: justify;">کابل (پژواک، ۲۱ غويی ۱۴۰۲): پخواني ولسمشر حامد کرزي افغانستان لپاره د ناروې له شارژدافیر سره په ليدنه کې، هېواد کې زدهکړو او کار ته د نجونو او ښځو پر بېرته ستنېدو ټینګار وکړ.</p>
<p style="text-align: justify;">حامد کرزي په خپل ټويټر کې ليکلي: «په دې کتنه کې د افغانستان د روانو حالاتو په اړه خبرې وشوې او د نجونو پر مخ د ښوونځیو او پوهنتونونو پر پرانیستو او کار ته د مېرمنو پر بېرته ستنېدو ټینګار وشو.»</p>
<p style="text-align: justify;">هغه زياتوي چې دواړو لورو د دوحې ناستې له پایلو خوښي وښوده او هیله یې وکړه چې د افغانستان د ستونزو حل لپاره بینالمللي هلېځلې دوام ومومي؛ همداراز په هېواد کې د تلپاتې سولې او ثبات د ټینګښت لپاره «ملي ډیالوګ» اړین وباله.</p>
<p style="text-align: justify;">کرزي له افغانستان سره د ناروې له مرستو مننه وکړه او د لا دوام او د اړیکو لا پراختیا هیله څرګنده کړه.</p>
