کابل (پژواک، ۱۶ چنګاښ ۱۴۰۲): د افغانستان لپاره د ملګرو ملتونو د ماشومانو ملاتړ صندوق یونیسف وایي، جاپان په افغانستان کې د څه باندې ۷۰ زره ماشومانو زدهکړو په برخه کې د ۱۰ میلیون ډالرو مرستې اعلان وکړ.
یونیسف نن (جمعه) پر خپله وېبپاڼه لیکلي: «د جاپان حکومت د دغه هېواد نړۍوالې همکارۍ ادارې (JICA) له لارې په افغانستان کې د ماشومانو زدهکړو د دوام لپاره ۱۰ میلیون امریکایي ډالرو مرسته وکړه.»
یونیسف اټکل کړی چې دغه مرسته به په افغانستان کې ۷۱ زره او ۵۰۰ ماشومانو ته د زدهکړو زمینه برابره کړي.
د یونیسف په وینا، په افغانستان کې اوسمهال پر شرایطو برابر ۶۰ سلنه نجونې او ۴۶ سلنه هلکان له زدهکړو محروم دي.
د سرچینې معلوماتو له مخې، جاپان په تېرو څو کلونو کې په افغانستان کې د ماشومانو ملاتړ لپاره پیاوړې ملګرتیا ښودلې او لا هم دوام لري.
GET IN TOUCH
NEWSLETTER
SUGGEST A STORY
PAJHWOK MOBILE APP