<p style="text-align: justify;">مزارشریف (پژواک، ۲ وږی ۱۴۰۳): بلخ کې حکومتي مسوولین وايي چې د دغه ولایت د نهرشاهي ولسوالۍ په وطني او افغاني کلیو کې یې ۵۰۰۰ جریب دولتي ځمکه له غصبه راګرځولې ده.</p>
<p style="text-align: justify;">د بلخ د اراضۍ امر ولایتخان حاجي اغا وایي، د دغه ولایت نهرشاهي ولسوالۍ په وطني او افغاني کلیو کې شاوخوا ۵۰۰۰ دولتي ځمکه یې له غصبه راګرځولې او بیتالمال ته یې سپارلې ده.</p>
<p style="text-align: justify;">هغه زیاتوي، په بلخ کې د غصب مخنیوي کمېسیون د فعالیت له پیله تر اوسه شاوخوا ۶۰ زره جریب غصبي ځمکه راګرځولې ده.</p>
<p style="text-align: justify;">په همدې حال کې، د یادې ولسوالۍ د اراضي مدیر احمدالله احمدي د خلکو همکاري د دولتي ځمکو په راګرځولو کې مهمه بولي او زیاتوي چې د غصب شوو ځمکو راګرځولو لړۍ لا هم روانه ده او هڅه کوي ټولې هغه ځمکې چې غصب شوې بېرته راوګرځوي.</p>
<p style="text-align: justify;">بلخوا، د یادې سیمې اوسېدونکي له حکومته غواړي څو دغه ځمکه بېرته دوی ته په اجاره ورکړي.</p>
<p style="text-align: justify;">هغه له مسوولینو غواړي څو یاده ځمکه د سیمې اوسېدونکو ته بېرته په اجاره ورکړي.</p>
<p style="text-align: justify;">د یادونې ده، له دې مخکې هم په یاده ولسوالي کې د ناصر خسرو بلخي په نوم یو ښارګوټی چې غصب او وېشل شوی و، له غصبه راوګرځول شو.</p>
