<p style="text-align: justify;">فراهءښار (پژواک، ۱۵ تله ۱۴۰۳): فراه کې مسوولین وايي چې د دغه ولایت په خاکسفېد ولسوالۍ کې یوه ۱۴ کلن هلک ځانوژنه کړې ده.</p>
<p style="text-align: justify;">د فراه د اطلاعاتو او فرهنګ ریاست له لوري پژواک ته په رالېږل شوې خبرپاڼه کې راغلي چې پرون ماښام د دغه ولایت د خاکسفېد ولسوالۍ په سرخ دیوال کلي کې یوه تنکي ځوان د کورني تاوتریخوالي له امله ځان وژلی دی.</p>
<p style="text-align: justify;">سرچینه وايي چې دغه تنکی ځوان میرویس نومېده او ۱۴ کلن و.</p>
<p style="text-align: justify;">خبرپاڼه وايي چې میرویس په رسۍ ځان زندۍ کړی او مړ شوی دی.</p>
<p style="text-align: justify;">دا په داسې حال کې ده چې د اسلام له نظره، د ځان وژل حرام دي او په ژوند کې د ستونزو د حل لپاره باید نورې لارې ولټول شي.</p>
<p style="text-align: justify;"></p>
