حماس درې اسراییليان د ۳۶۹ فلسطیني بندیانو په بدل کې خوشې کوي

کابل (پژواک، ۲۷ سلواغه ۱۴۰۳): د مصر او قطر تر منځګړیتوب وروسته، حماس په داسې حال کې چې غزه کې د نږدې یوه میاشتني اوربند د ماتېدو اندېښنې زیاتې شوې وې، اعلان کړی چې نن شنبې درې اسراییلیان د ۳۶۹ فلسطیني بندیانو په بدل کې خوشي کوي.

حماس څلور ورځې مخکې ویلي و چې اسراییل په وروستیو درېیو اونیو کې په سیسټماتیک ډول د اوربند توافق مات کړی او غزې ته یې د بشري مرستو رسولو مخنیوی کړی.

حماس ګواښ کړی و چې که اسراییل غزې ته د بشري مرستو د داخلېدو مخه ونیسي، ورسره نور اسراییلی بندیان به خوشې نه کړي.

د دې خبرې په غبرګون کې، اسراییلي چارواکو احتیاطي ځواکونه راوغوښتل او د جګړې د بیا پیل لپاره یې چمتو کوي.

د رویټرز د خبر له مخې، د مصر او قطر تر منځګړیتوب وروسته، اوس د حماس غورځنګ ویلي چې نن به درې اسراییلی بندیان د ۳۶۹ فلسطیني بندیانو په بدل کې خوشي کړي.