بلوچستان کې پر یوه رېل‌ګاډي برید؛ وسله‌والو لسګونه مسافر «یرغمل» کړي

<p style="text-align: justify;">کابل (پژواک، ۲۱ کب ۱۴۰۳): د راپورونو له مخې، وسله‌والو په بلوچستان کې پر یوه رېل‌ګاډي برید کړی، شپږ پاکستاني پولیس وژل شوي او لسګونه مسافر یې «یرغمل» نیولي دي.</p>

<p style="text-align: justify;">د مشال راډیو د <strong><a href="https://www.mashaalradio.com/a/33343935.html?fbclid=IwY2xjawI9BUFleHRuA2FlbQIxMQABHf5t84f93Vw4wFYvAi6BBiM-d1Ldgw3QL83-rg-4BCpajOwsgSSK5QC9Rg_aem_AnJKvCTtFPamGnztM3-9ng">راپور</a> </strong>له مخې، دغه رېل ګاډی له کوټې څخه پېښو ښار ته روان و.</p>

<p style="text-align: justify;">راپور کې راغلي چې تر برید وروسته، سیمې ته امنيتي ځواکونه او مرستندويه ګاډي روان شوي دي.</p>

<p style="text-align: justify;">سرچېنې د معلوماتو له مخې، په دغه برید کې شپږ پاکستاني پولیس وژل شوي او تر ۱۰۰ کسانو یې یرغمل نیولي دي.</p>

<p style="text-align: justify;">د راپور له مخې، د بلوچستان د ازادۍ لپاره جنګېدونکې وسله والې ډلې، «بلوچ لیبریشن ارمي» د دغه برید مسوولیت منلی او ویلي يې دي چې ‎د بلوچستان د بولان په ډهاډر سیمه کې یې د پټلۍ تر الوځولو وروسته، په اورګاډي کې د امنيتي ادارو تر ۱۰۰ ډېر کسان یرغمل کړي او ولسي وګړي یې خوشې کړي دي.</p>