د مس عینک قراردادي کمپنۍ مشر د ریاستالوزراء له سیاسي مرستیال سره په ليدنه کې ویلي، د مس عینک په لومړۍ برخه کې به له ۵ میلیارد امریکایي ډالرو ډېره پانګونه وکړي او په دغه پروژه کې به شاوخوا درې زرو کسانو ته د کار زمینه برابره شي.
د کابل ولایت په سروبي ولسوالۍ کې د ۲۲،۷۵ میګاواټه لمریزې برېښنا پروژې کار نن پیل شو او د شاوخوا ۱۸ میلیون ډالرو په لګښت به د یوه کال په موده کې پلې شي.
د کانونو او پټرولیم وزارت سرپرست د ټاپي پروژې له اجرائیوي رئیس سره په لیدنه کې د یادې پروژې د عملي کار د چټکتیا او په هرات ښار کې د ګاز د وېش شبکې جوړولو په اړه خبرې کړې دي.
د لښکرګاه ښاروالۍ مسوولین وایي، روان کال یې تر اوسه ۷۳ میلیونه افغانۍ عواید راټول کړي چې ۴۶ میلیونه یې بېرته د ښار ځينو برخو کې پر رغنیزو پروژو لګولي دي.
د صنعت او سوداګرۍ وزارت وایي، د دغه وزارت یوه پلاوي له خصوصي سکټوره د ملاتړ او د باریکاب صنعتي پارک د زیربنایي او برېښنا د کمښت ستونزو د حل په موخه پروان ولایت ته سفر کړی دی.
د مالیې وزارت وایي چې له تېرې ادارې پر نظام د یو شمېر کورنیو خصوصي بنسټونو د پاتې پورونو ۸۵۰ میلیونه افغانۍ یې ورکړې دي.
هرات کې یوې سوداګرې په دغه ولایت کې دوو سوو نورو ښځو ته د زعفران او وچې مېوې د پروسس او بستهبندۍ برخه کې د کار زمینه برابره کړې ده.
يو شمېر افغان سوداګر او د بار وړونکو موټرو چلوونکي وايي، پاکستان پر غلامخان بندر ډېر محدود شمېر بار وړونکو موټرو ته اجازه ورکوي چې له امله یې دوی له ستونزو سره مخ دي.
د کندوز د سوداګرۍ او پانګونې خونې مسوولین وایي چې تېرو پنځو میاشتو کې د شېرخان بندر له لارې د څه باندې پنځه میلیون ډالرو په ارزښت سوداګریز توکي مرکزي اسیا هېوادونو ته صادر شوي دي.
د کانونو او پټرولیم وزارت وایي، یوه هندي پانګوال د دغه وزارت له سرپرست سره په لېدنه کې د فلزي کانونو، قیمتي ډبرو، نفت او ګاز برخو کې پانګونې ته لېوالتیا څرګنده کړې ده.
د ریاستالوزراء اقتصادي معاونیت وايي، ملي تدارکاتو کمېسیون د شاوخوا لس میلیارد افغانیو په ارزښت د ۱۲ پروژو تړونونه منظور او د ۱۵ نورو یې تعدیل کړي دي.
د تېرو اوو ورځو په پرتله نن کابل ښار کې د ډیزل تېلو، اوبلن ګاز او روسي سروزرو بیې ټیټې شوې، خو د پټرولو بیه لوړه شوې ده.
د صنعت او سوداګرۍ وزارت وایي، د امام ابوحنیفه درېیم نندارتون چې تر دوو راتلونکو ورځو به په کابل کې جوړ شي، داخلي او بهرني متشبثین او سوداګر به خپل محصولات په کې نندارې کېږدي.
د ریاستالوزراء اقتصادي معاونیت وايي، کابل ښار کې د سوداګریز مارکېټ جوړولو طرحه د تایید وړ وبلل شوه، خو په سرپل او جوزجان کې د یادو مارکېټونو جوړولو طرحو د ارزونې لپاره کمېټې وټاکل شوې.
د ننګرهار د عدليې رياست له لوري د دغه ولایت د غنيخېلو ولسوالۍ په مارکو بازار کې ۱۵ موټرپلورنځي د غيرقانوني فعاليت له امله تړل شوي دي.
د مخابراتو او معلوماتي ټکنالوجۍ وزارت وایي چې د دغه وزارت اړوند د مخابراتي خدمتونو د تنظیم ادارې «اترا» د څه باندې ۱۳ میلیونه ډالرو په لګښت له کورنيو شرکتونو سره د ۱۴۹ مخابراتي سایټونو د جوړېدو تړون لاسلیک کړ.
د اقتصادي کمېسیون د تخنیکي کمېټې د یوې کړنلارې له مخې به د اوبلن ګاز ټول دولتي او خصوصي شرکتونه خپلې د ګازو زېرمې له ښارونو او د ګڼې ګوڼې له ځایونو وباسي او په ټولو معیارونو برابر به نوي تاسیسات ورته جوړوي.
کندهار کې د سوداګرۍ او پانګهونې خونې مسوولین وايي، د پاکستان له لوري د افغانستان پر تازه مېوو د تعرفې له لوړېدو وروسته اوس له دغه ولایته پاکستان ته د انارو صادرات کم شوي دي.
د افغانستان ماليې وزارت وايي، تېره اونۍ د ګمرکونو ریاست کارکوونکو په پنځو ولایتونو کې نږدې ۶۸ ټُنه بېلابېل توکي - چې قاچاقکوونکو غوښتل په پټه یې افغانستان ته راوړي - نيولي دي.
د افغانستان برېښنا شرکت او خصوصي سکټور ترمنځ د ۲۴۰ میګاواټه برېښنا د توليد هوکړې لاسلیک شوې او یاد شرکت وايي، دا مهال په هېواد کې د څلور میلیارد ډالرو په ارزښت د پانګونې فرصتونه شته، له کورنيو او بهرنيو شرکتونو یې وغوښتل چې په دې برخه کې پانګونه وکړي.
د افغانستان د ټولګټو وزارت وايي، په تېره وږِي میاشت کې د اوسپنې پټلیو له لارې څه باندې ۳۱۷ زره مټریک ټنه انتقالات شوي دي.
د ګرخندوی اونۍ په مناسبت د هرات په اختیارالدین کلا کې د لاسي صنایعو او هنري اثارو نندارتون پرانیستل شو.
د خوست حکومتي مسوولین وايي، د دغه ولایت په اطرافي سیمو کې د هر متر مربع ځمکې بیه لږ تر لږه ۱۵ زره افغانۍ ده او دغه قیمت د ګڼ شمېر نورو ولایتونو د ځمکو په پرتله لوړوالی ښیي.
لغمان کې یو شمېر سوداګرې میرمنې له حکومته غوښتنه کوي چې په دغه ولایت کې دې د ښځو ځانګړي سوداګریز مارکېټ د جوړولو درېدلې چارې بېرته پیل کړي.
