عزیزي: هرات کې په ۵۰ زره جریب ځمکه کې یو صنعتي ښارګوټی جوړېږي
د صنعت او سوداګرۍ سرپرست وزیر هرات ته د خپل سفر په ترڅ کې ویلي چې په نږدې راتلونکي کې به د دغه ولایت په ۵۰ زره جریب ځمکه کې یو صنعتي ښارګوټی جوړ شي.
سوداګري او اقتصاد
راپورونه
قرغیزستان له افغانستان سره د ۱۲۰ ټنه خوراکي توکو مرسته وکړه
قرغیزستان له افغانستان سره د بشري مرستو په دوام ۱۲۰ ټنه خوراکي توکي بلخ ولایت کې افغان پلاوي ته وسپارل.
دا اونۍ کابل ښار کې د اوړو او سروزرو بیې ټیټې شوې دي
د تېرو اوو ورځو مخکې په پرتله نن کابل ښار کې د قزاقي اوړو او سروزرو بیې ټیټې شوې خو د نورو لومړنیو توکو بیو بدلون نه دی کړی.
هرات کې د «کابل فولاد» اوسپنې ویلې کولو فابریکې د دویم فاز جوړولو چارې پیل شوې
په هرات ولایت کې د ۱۸ میلیونه امریکایي ډالرو په پانګونې د «کابل فولاد» اوسپنې ویلې کولو فابریکې د دویم فاز جوړولو چارې پرانیستل شوې.
اقتصادي معاونیت: افغانستان کې د څه باندې پنځه میلیارد ډالرو پانګونې لېوالتیا ښودل شوې
د ریاستالوزراء اقتصادي معاونیت وايي چې د روان زېږدیز کال په اوږدو کې لسګونو کورنیو او بهرنیو کمپنیو په بېلابېلو سکټورونو کې شاوخوا پنځه میلیارده او ۳۴۸ میلیون ډالرو پانګونې ته لېوالتیا ښودلې ده.
اسلامي امارت د مرستو د وېش بهیر کې خپله هر ډول مداخله ردوي
د افغانستان د اقتصاد وزارت معین د مرستو وېش په لړۍ کې هر ډول مداخله ردوي او وایي، د امریکا د پارلمان ځینو غړو د افغانستان له خلکو سره د مرستو قطع کېدو غوښتنه د نړۍوالو قوانینو خلاف ده او بشري مرستې نباید سیاسي شي.
تېر کال د افغانستان اوسپنې پټلیو له لارې ۴،۱ میلیون مټریک ټنه انتقالات شوي
د افغانستان ټولګټو وزارت وایي چې په تېر یوه کال کې د هېواد د اوسپنې پټلۍ د څلورو بندرونو له لارې ۴،۱ میلیون مټریک سوداګریز توکي صادر، وارد او ترانزیټ شوي دي.
د صنعت او سوداګرۍ وزارت له نهو ملي او نړۍوالو موسسو سره د همکارۍ هوکړهلیکونه لاسلیک کړل
د افغانستان د صنعت او سوداګرۍ وزارت وایي چې له نهو ملي او نړۍوالو موسسو سره یې د نږدې اووه میلیون امریکایي ډالرو په ارزښت د همکاریو هوکړهلیکونه لاسلیک کړي دي.
ایران افغان انجنیرانو ته د معیاري کانکیندنې برخه کې د روزنې زمینه برابروي
د کانونو او پټرولیم وزارت وايي چې ایرانیان به د معیاري کانکیندنې برخه کې د دغه وزارت انجنيرانو ته روزنیز تخصصي پروګرامونه جوړ کړي.
ننګرهار کې د کورنيو تولیداتو لومړنی نړۍوال نندارتون جوړ شو
په ننګرهار ولايت کې د کورنيو تولیداتو د بازار موندنې په موخه درې ورځنی لومړنی نړۍوال نندارتون پرانیستل شو.
د افغانستان دویم ترانزیټي اورګاډی ترکیې ته روان شو
هرات کې ځايي سرچینې وايي، د افغانستان پر کاني توکو بار دویم ترانزیټي اورګاډی ترکیې ته روان شوی دی.
۲۶مه داوطلبي؛ د پنجشېر ۲۶۳۸ قیراطه نور زمرد وپلورل شول
په ۲۶مه داوطلبۍ کې د پنجشېر ولایت له کانونو استخراج شوي ۲۶۳۸ قیراطه نور زمرد په ۷۴ زره و ۷۵۰ امریکايي ډالرو وپلورل شول.
یوه الماني شرکت افغانستان کې د لمریزې برېښنا د تولید برخه کې پانګونې ته چمتووالی ښودلی
د اوبو او انرژۍ وزارت وایي، د دغه وزارت له سرپرست سره په لیدنه کې د یوه الماني شرکت مشر ویلي چې شرکت یې په افغانستان کې د لمریزې برېښنا د تولید پروژو کې پانګونې ته چمتو دی.
عمر: کورنیو او بهرنیو پانګهوالو ته مو د برېښنا تولید برخه کې ښه فرصتونه برابر کړي
د افغانستان د برېښنا شرکت اجرائیوي رییس له ایراني پانګهوالو سره په لیدنه کې ویلي چې د کورنیو او بهرنیو پانګهوالو لپاره یې د برېښنا برخه کې ښه فرصتونه برابر کړي دي.
له پاکستانه وارد شوي ۱۶ ټنه بېکیفیته جوار بېرته دغه هېواد ته وګرځول شول
د ننګرهار د کرنې او مالدارۍ رياست تورخم ته له پاکستانه وارد شوي ۱۶ ټنه بېکيفيته جوار بېرته دغه هېواد ته ورګرځولي دي.
غلامخان بندر له تېرو څلورو ورځو راهیسې د هر ډول تګ راتګ پر مخ تړل شوی
موټرچلوونکي او ځايي مسوولين وايي، د خوست غلامخان بندر له تېرو څلورو ورځو راهیسې د باروړونکو موټرو او خلکو پر مخ تړل شوی دی.
هالنډ له افغانستان سره ۱۵ میلیونه یورو مرسته اعلان کړه
د ملګرو ملتونو د بشري مرستو همغږی کوونکی دفتر (اوچا) وایي چې هالنډ د افغانستان د بشري مرستو له صندوق سره ۱۵ میلیونه یورو مرسته اعلان کړې ده.
افغان سوداګرو په افغان – ازبک ګډ بازار کې لسګونه هټۍ پرانیستي دي
د ازبکستان سرخاندریا ولایت د ترمذ په نړۍوال سوداګریز مرکز کې افغان سوداګرو ۵۰ هټۍ پرانیستي دي.
کانونو وزارت تېر یوه کال کې څه باندې لس میلیارده افغانۍ عواید ترلاسه کړي
د افغانستان د کانونو او پټرولیم وزارت تېر یوه کال کې د هېواد په یو شمېر ولایتونو کې د کوچني مقیاس د ۸۰ او د لوی مقیاس د ۱۳ کانونو تړونونه لاسلیک او څه باندې لس میلیارده افغانۍ عواید یې را ټول کړي دي.
د افغانۍ پر وړاندې د ډالر ارزښت ټيټ شوی
نن د تېرو اوو ورځو په نسبت د افغانۍ پر وړاندې د ډالر ارزښت ټیټ شوی خو د مالیزیایي غوړیو او سرو زرو بیې لوړې شوې دي.
مالیې وزارت پر اتو وارداتي توکو ګمرکي تعرفه لوړه او پر څلورو یې کمه کړې
مالیې وزارت وایي چې پر اتو وارداتي توکو یې ګمرکي تعرفه لوړه کړې او پر څلورو نورو یې بیا کمه کړې ده.
دوه روسي پانګهوال پنجشېر کې د ۳۰ میلیون ډالرو په ارزښت پانګونه کوي
دوو روسي پانګهوالو د پنجشېر له والي سره په لیدنه کې ویلي، د دغه ولایت د کانونو او تولیدي کارخانو برخه کې د ۳۰ میلیون ډالرو په ارزښت پانګونه کوي.
د بلخ ګمرک کې پر صادراتي توکو دواپاشي اختیاري شوه
د پژواک خبري اژانس د یوه راپور له خپرېدو وروسته د بلخ په ګمرک کې پر توکو د فومېګشن (دواپاشۍ) مسله اختیاري شوه.
م.م: څلورو میاشتو کې د افغانستان عواید یو میلیارد ډالرو ته رسېدلي
ملګري ملتونه وايي، د روان مالي کال په څلورو میاشتو کې د افغانستان عواید یو میلیارد ډالرو ته رسېدلياو ٢٠٢٤ کال کې افغانستان لپاره د اړتیا وړ ۲٫۹ مېلیارد ډالرو مرستو ۲۴٫۹ سلنه برابرې شوې دي.
