هالنډ له افغانستان سره ۱۵ میلیونه یورو مرسته اعلان کړه

<p style="text-align: justify;">کابل (پژواک، د تلې لومړۍ نېټه ۱۴۰۳): د ملګرو ملتونو د بشري مرستو همغږی کوونکی دفتر (اوچا) وایي چې هالنډ د افغانستان د بشري مرستو له صندوق سره ۱۵ میلیونه یورو مرسته اعلان کړې ده.</p>

<p style="text-align: justify;">اوچا نن پر خپله <strong><a href="https://x.com/OCHAAfg/status/1837711181768769606">اېکس‌پاڼه</a> </strong>د هالنډ له دې مرستې مننه کړې او ویلي یې دي چې دغه مرسته ۱۶،۱ میلیون امریکایي ډالره کېږي.</p>

<p style="text-align: justify;">د ملګرو ملتونو اړوند دفتر زیاتوي چې یاده اندازه مرسته به د روان ۲۰۲۴ زېږدیز کال په اوږدو کې ولګول شي.</p>

<p style="text-align: justify;">اوچا زیاته کړې، هالنډ له ۲۰۱۶ زېږدیز کال راهیسې د افغانستان د بشري مرستو له صندوق سره څه باندې ۸۹ میلیون یورو مرسته کړې ده.</p>

<p style="text-align: justify;">دا په داسې حال ده چې د ملګرو ملتونو د بشري مرستو همغږي کوونکي دفتر (اوچا) د تېرې وږي میاشتې په ۲۲مه ویلي وو چې بریتانیا د افغانستان د بشري مرستو له صندوق سره شپږ میلیون پونډه مرسته اعلان کړې ده.</p>