د افغانستان دویم ترانزیټي اورګاډی ترکیې ته روان شو

هرات (پژواک، ۳ تله ۱۴۰۳): هرات کې ځايي سرچینې وايي، د افغانستان پر کاني توکو بار دویم ترانزیټي اورګاډی ترکیې ته روان شوی دی.

د هرات ځایي ادارې په یوې خبرپاڼې کې لیکلي، په یوه اړین ګام کې د هېواد د حمل و نقل بنسټونو د اقتصادي پیاوړتیا او پراختیا په موخه د افغانستان پر کاني توکو بار دویم اورګاډی پرون د هرات له روزنګ تمځایه ترکیې ته روان شو.

خبرپاڼه کې یې ویلي، دغه اورګاډي کې ۵۵۰ ټنه کاني توکو بار دي چې د هرات – خواف یا روزنګ رېل‌پټلۍ له لارې د ترکیې بیلیجک تمځای ته روان شوی دی.

د یادونې ده، په یاد اورګاډي کې شوکاڼي بار دي.