سږ کال به ننګرهار کې شاوخوا ۶۰۰ مټريک ټنه شات توليد شي
د ننګرهار کرنې او مالدارۍ رياست وايي، سږ کال به په دغه ولايت کې د فارمونو ډېرښت او حاصلاتو ښهوالي له امله شاوخوا ۶۰۰ مټريک ټنه شات تولید شي.
سوداګري او اقتصاد
راپورونه
د انګوټ سیمې ۲۰ زره ټنه خام نفت پر یوه کورني شرکت وپلورل شول
د افغانستان د کانونو او پټرولیم وزارت د څه باندې ۱۰،۵ میلیون امریکایي ډالرو په ارزښت د امو دریا نفتي حوزې اړوند د انګوټ سیمې ۲۰ زره ټنه خام نفت د داوطلبۍ له لارې پر یوه کورني شرکت وپلورل.
مالیزیا کې د افغان سوداګرو ټولنه: افغان سوداګر دې افغانستان ته باکیفیته توکي صادر کړي
په مالیزیا کې د افغان سوداګرو ټولنې په دغه هېواد کې له افغان سوداګرو غوښتي چې افغانستان ته د واردوونکو توکو کیفیت په پام کې ونیسي.
د ایران د اسنادو او ځمکو ثبت سازمان: دغه هېواد کې ۵۰ سلنه بهرني شرکتونه د افغانانو دي
د ایران د اسنادو او ځمکو ثبت سازمان وایي چې دغه هېواد کې ۵۰ سلنه ثبت شوي بهرني شرکتونه د افغانانو دي.
د ترکیې ولسمشر افغانستان ته د رېل پټلۍ له لارې د بشري مرستو د لېږلو حکم کړی
د ترکي رسنیو د راپورونو له مخې، دغه هېواد پرېکړه کړې چې د روان ميلادي کال تر پايه د ترکیې - ایران - ترکمنستان له لارې افغانستان ته خپلې بشري مرستې ولېږي.
د پولي خدمتونو په اړه د افغانستان بانک نوې پالیسي؛ د صرافانو غوښتنې او د شنونکو نظر
افغانستان بانک «د غیرقانوني معاملو مخنیوي لپاره» نوې تګلاره جوړه کړې، خو صرافان یې د بیا کتنې غوښتنه کوي او د چارو شنونکي بیا دا ډول اقدام د پولي مارکېټونو قانونمند کولو لپاره اړین بولي.
د تېرو اوو ورځو په نسبت د امریکایي ډالر پر وړاندې د افغانۍ ارزښت لوړ شوی
کابل ښار کې د تېرو اوو ورځو په پرتله د امریکايي ډالر پر وړاندې د افغانۍ ارزښت لوړېدو ترڅنګ، د پټرولو، اوبلن ګاز، قزاقي اوړو، غوړو او د سروزرو بیې ټیټې شوې دي.
جوزجان کې د آقچې پنځهګونو ولسوالیو لپاره د بشپړې برېښنا رسونې پروژې چارې پيل شوې
د افغانستان برېښنا شرکت وايي، جوزجان ولایت کې د آقچې پنځهګونو ولسوالیو لپاره د بشپړې برېښنا رسونې پروژې چارې پیل شوې.
تېرو دوو اونیو کې د افغانستان اوسپنې پټلۍ له لارې څه باندې ۱۲۰ زره متریک ټنه انتقالات شوي
د ټولګټو وزارت د افغانستان د اوسپنې پټلۍ له لارې د څه باندې ۱۲۰ زره متریک ټنه سوداګریزو توکو د انتقالاتو خبر ورکوي.
یو شمېر ازبکستاني سوداګرو افغانستان کې په بېلابېلو صنعتي او تولیدي برخو کې پانګونې ته لېوالتیا ښودلې
د ازبکستان یو شمېر سوداګرو د بلخ له والي سره په لیدنه کې ویلي، چمتو دي چې په دغه ولایت کې په بېلابېلو برخو کې پانګونه وکړي.
ملګرو ملتونو د بانکي سکټور برخه کې له د افغانستان بانک سره د همکارۍ ژمنه وکړه
د افغانستان بانک سرپرست وايي چې مناسبو مالي خدمتونو ته لاسرسی کولای شي د ټیټ عاید لرونکو خلکو په اقتصادي پیاوړتیا او د فقر په کمېدو کې مهم رول ولوبوي.
هرات کې د متشبثو ښځو ډېرېدل؛ «د هېواد په کچه دې د ښځو ځانګړي مارکېټونه ډېر شي»
هرات کې مسوولین د متشبثو ښځو له ډېرېدو خبر ورکوي خو یو شمېر ښځې بیا له حکومته غواړي چې د هېواد په کچه دې د ښځو کاروبار لپاره ډېر ځایونه او مارکېټونه جوړ شي.
په نولسم ځل د پنجشېر څه باندې ۳۲۱۵ قیراطه زمرد وپلورل شول
په ۱۹مه داوطلبۍ کې د پنجشېر له کانونو استخراج شوي ۳۲۱۵.۴ زمرد په ۱۷۶ زره او ۸۶۰ زره امریکايي ډالرو وپلورل شول.
د مخابراتو وزارت پر مخابراتي شرکتونو د لاټرۍ ترسره کول بند کړل
د مخابراتو او معلوماتي ټکنالوجۍ وزارت وایي، په مخابراتي شرکتونو یې د لاټرۍ ترسره کول بند کړل.
د افغانستان زعفرانو د نهم ځل لپاره په نړۍواله کچه لومړی مقام خپل کړ
د کرنې، اوبولګولو او مالدارۍ وزارت وایي چې د افغانستان زعفرانو د نهم ځل لپاره په نړۍواله کچه لومړی مقام ګټلی دی.
پاکستان د افغانستان باروړونکو موټرو ته د موقت جواز په ورکولو د داخلېدو اجازه ورکړه
د افغانستان او پاکستان د سوداګرۍ او صنایعو ګډې خونې د هغې طرحې تطبیق په عمل کې پیل کړ چې د افغانستان باروړونکو موټرو ته د موقت سند پر اساس اجازه ورکوي چې په سرحدي سیمو کې دغه هېواد ته داخل شي څو د دواړو هېوادونو ترمنځ دوه اړخیزې سوداګرۍ کې لا اسانتیا رامنځته شي.
د سوداګرۍ وزارت سرپرست د وړو او منځنیو سوداګریو ملاتړ په اړه د یواېنډيپي له استازي سره خبرې وکړې
د صنعت او سوداګرۍ وزارت سرپرست افغانستان کې د ملګرو ملتونو پراختیايي پروګرام له استازي سره په لیدنه کې د وړو او منځنیو سوداګریو ملاتړ، د کار زمینې برابرولو او د صنعتي پارکونو ودې په اړه خبرې کړې دي.
سوداګر: د حیرتان اوسپنې پټلۍ د لېږد تعرفه دې کمه شي
د ازبکستان له خوا افغان سوداګرو ته د اوسپنې پټلۍ تعرفې له کمېدو سره سم د بلخ یو شمېر سوداګرو له سرپرست حکومته هم غوښتي چې د صادراتو برخه کې ګمرکي او ترانسپورټي تعرفې کمې کړي.
برېښنا شرکت له یوې چینايي کمپنۍ سره د مېترونو جوړولو تړون لاسلیک کړ
د افغانستان برېښنا شرکت د مېترونو جوړولو له یوې چینايي کمپنۍ سره د ۲،۷ میلیون امریکايي ډالرو په لګښت د یو فاز او درې فاز مېترونو جوړولو تړون لاسلیک کړ.
کام ایر هوايي شرکت هم له خوسته متحده عربي اماراتو ته الوتنې پيل کړې
له د اريانا افغان هوايي شرکت وروسته کام اير هوايي شرکت هم د خوست له نړۍوال هوايي ډګره د متحده عربي اماراتو دوبۍ ښار ته الوتنې پيل کړې.
هلمند کې ۱۰۵ نوې صنعتي فابریکې جوړې شوې دي
د هلمند ځايي مسوولین وایي، په دغه ولایت کې له تېرو درېیو کلونو راهیسې ۱۰۵ نوې صنعتي فابریکې جوړې شوې او نږدې پنځه زره کسانو ته پهکې په مستقیم ډول د کار زمینه برابره شوې ده.
د ټولګټو وزارت مرستیال په اردن کې د اوسپنې پټلۍ نړۍوالې ټولنې کلنۍ غونډه کې ګډون وکړ
د افغانستان د ټولګټو وزارت د اوسپنې پټلۍ مرستیال په اردن کې د اوسپنې پټلۍ نړۍوالې ټولنې کلنۍ غونډه کې ګډون کړی دی.
کابل ښار کې د تېرې اونۍ په نسبت د سروزرو بیې لوړې شوې دي
کابل ښار کې د تېرو اوو ورځو په پرتله د سروزرو بیې لوړې شوې خو د نورو لومړنیو خوراکي توکو بیو کې کوم بدلون نه دی راغلی.
قرغیزستان راتلونکی میلادي کال د افغانستان له لارې پاکستان ته برېښنا لېږدوي
د قرغیزستان د انرژۍ وزارت وایي چې راتلونکی ۲۰۲۵ میلادي کال له تاجکستان سره په ګډه د کاسا زر پروژې له لارې پاکستان ته برېښنا غځوي.
