دا اونۍ کابل کې د قزاقي اوړو او پټرولو بیې لوړې شوې دي
نن کابل ښار کې د اوو ورځو په پرتله د ډالر پر وړاندې د افغانۍ ارزښت لوړېدو ترڅنګ د قزاقي اوړو او پټرولو بیې هم لوړې شوې خو د ډېزلو، بورې او سروزرو بیې ټیټې شوې دي.
سوداګري او اقتصاد
راپورونه
د ژمي رانږدې کېدل؛ د کابل یو شمېر ښاریان: د سون توکو بیې لوړې دي، د پېرلو وس یې نه لرو
د ژمي په رانږدې کېدو سره د کابل ځیني ښاریان له اقتصادي ستونزو او د سون توکو له لوړو بیو شکایت لري او وايي چې د پېرلو وس یې نه لري؛ بل پلو، د لرګیو او ډبرو سکرو یو شمېر پلورونکي هم څرګندوي چې د تېر کال د همدغه وخت په پرتله یې پلور کم دی.
ملا برادر: له ایران سره مو د سوداګرۍ او اقتصاد برخو کې لسګونه هوکړه لیکونه لاسلیک کړل
د ریاست الوزراء اقتصادي مرستیال ملا عبدالغني برادر وایي چې له ایران سره یې د سوداګرۍ او اقتصاد برخو کې لسګونه هوکړه لیکونه لاسلیک کړي چې ورسره به ددواړو هېوادونو ترمنځ سوداګري ډېره پراخه شي.
سبا کابل کې د ښاروالي له خوا د ډبرو سکرو وېشلو لړۍ پیلېږي
د کابل ښاروالۍ وايي چې سبا د دغه ښار په ۲۲ ناحیو کې د ډبرو سکرو د وېش لړۍ پیلېږي او د کابل ښاریان کولای شي چې د یو ټن د ډبرو سکاره په ۹۰۰۰ افغانۍ ترلاسه کړي.
د څه باندې پنځهنیم میلیارده ډالرو په ارزښت د هرات غوریانو اوسپنې کان د استخراج چارې پیل شوې
د کانونو او پټرولیم وزارت وایي، چې د څه باندې پنځهنیم میلیارده ډالرو په ارزښت د هرات ولایت د غوریانو په ولسوالۍ کې د غوریان اوسپنې څلورو بلاکونو د استخراج عملي چارې پیل شوې.
د افغانیو پر وړاندې د ډالرو ارزښت ټيټېدل؛ نن یو ډالر په ۷۰،۲۰ افغانیو تبادله کېده
نن د افغانیو پر وړاندې د ډالرو ارزښت د څلورو ورځو مخکې په پرتله څلور سلنه ټيټ شوی، خو خلک د لومړنیو توکو د بیو ټيټېدو غوښتنه کوي.
ایران: افغانستان کولای شي سر له سبا د چابهار بندر له لارې صادرات او واردات پیل کړي
د ریاستالوزراء اقتصادي مرستیال د چابهار بندر له لارې د افغانستان د صادراتو او وارداتو پر زیاتېدو د ټینګار ترڅنګ له ایراني چارواکو غوښتي چې یاد بندر ته د افغانستان لاسرسی اسانه کړي.
افغان سوداګر: زرګونه کانټینر مالونه مو په ناقانونه ډول پاکستان کې بند پاتې دي
د کندهار یو شمېر سوداګر وايي، پاکستان په غیرقانوني توګه زموږ مالونه ګرځولي او هره ورځ له ۶۰۰ زره تر یو میلیون ډالرو پورې مالیه پرې راځي.
ازبکستان د حیرتان – مزارشریف اوسپنې پټلۍ ترمیموي
د ازبکستان اوسپنې پټلۍ اداره وایي، چمتو ده د حیرتان – مزارشریف اوسپنې پټلۍ ترمیم په ښه کیفیت او لنډ وخت کې په ۵۰ سلنه تخفیف ترسره کړي.
اروپايي ټولنې له افغانستان سره ۶۱ میلیونه یورو مرسته اعلان کړه
اروپايي ټولنې افغانستان کې د بشردوستانه مرستو لپاره ۶۰ میلیونه یورو او پاکستان کې له افغان کډوالو سره یو میلیون یورو مرسته اعلان کړه.
صنعتګران: له پاکستانه راستنېدونکو افغان کډوالو ته د کار زمینه برابروو
د کابل ښار د څرخي پله صنعتګرو ټولنه وايي، له پاکستانه راستنېدونکو مسلکي، تخنیکي او لوستو افغان کډوالو ته په فابریکو کې د کار زمینه برابروي.
بلخ کې کارګرې ښځې د کار او مزد له کموالي شکایت کوي
د بلخ مرکز مزارشریف ښار کې یو شمېر کارګرې ښځې د کار او مزد له کموالي شکایت کوي او له حکومته په دایمي توګه د کاري فرصتونو برابرولو غوښتنه کوي.
یوې ترکي کمپنۍ افغانستان کې د نفتو تصفیهخونې جوړولو ته لېوالتیا ښودلې ده
د یوې ترکي کمپنۍ استازي د کانونو او پټرولیم وزارت له سرپرست سره په ليدنه کې ویلي، غواړي چې په افغانستان کې د خامو نفتو د تصفیېخونې جوړولو برخه کې پانګونه وکړي.
سوېلي کوریا له افغانستان سره یو میلیون امریکایي ډالر مرسته اعلان کړه
د ملګرو ملتونو د بشري مرستو همغږۍ اداره (اوچا) وايي، سوېلي کوریا له افغانستان سره د یو میلیون امریکایي ډالرو مرستې اعلان وکړ.
اقتصاد وزارت: د بیو د کنټرول لپاره یوه عمومي نرخپاڼه په پلان کې لرو
که څههم چې د امریکايي ډالر پر وړاندې د افغانۍ ارزښت د پنځو کلونو مخکې کچې ته رسېدلی، خو اوس هم د هغه وخت په نسبت له اوبلن ګاز پرته نور نفتي توکي ۴۰ سلنه، هندي بوره څه باندې دوه برابره، نور لومړني خوراکي توکي ۲۴ او سره زر څه باندې ۶۷ سلنه په لوړه بیه پلورل کېږي.
پکتيا کې له پاکستان سره نښلېدونکې ترانزيټي لار وتړل شوه
پکتیا کې چارواکي وایي، د دغه ولایت ډنډې پټان ولسوالۍ کې له پاکستان سره نښلېدونکې «خرلاچي» لاره د خیبرپښتونخوا په کرمه ایجنسۍ کې د جګړې له امله وتړل شوه.
نړۍوال بانک: له هرو دوو افغانانو یو یې بېوزله دی
نړۍوال بانک وایي، په تېرو نهو میاشتو کې د افغانستان واردات ۲۷ سلنه زیات شوي، صادرات یې نیم سلنه کم شوي او د بهرنیو اسعاو پر وړاندې د افغانۍ ارزښت په منځنۍ کچه څه باندې ۲۸ سلنه لوړ شوی دی.
د څه باندې ۵۴۱ میلیونه افغانیو په ارزښت نور زاړه بانکنوټونه وسوځول شول
د افغانستان بانک وایي، هرات کې یې د ۵۴۱ میلیونه او ۱۸۰ زره افغانیو په ارزښت زاړه او له کاره لوېدلي شلګون او پنځوسګون بانکنوټونه سوځولي دي.
د کابل ښار کمپنۍ ساحه کې د مېوې او سبزي مارکېټ پرانیستل شو
په کمپنۍ کې د مېوې او سبزي یو مارکېټ چې د کابل ښاروالي له لوري یوه خصوصي شرکت ته په قرارداد ورکول شوی و، پرانیستل شو.
څه باندې ۹۱۹ میلیون نورې زړې افغانۍ وسوځول شوې
د افغانستان بانک وایي چې څه باندې ۹۱۹ میلیون نورې زړې افغانۍ یې سوځولې دي.
تېره میاشت د اوسپنې پټلۍ له لارې څه باندې ۳۱۴ زره ټنه توکي وارد، صادر او ترانزیټ شوي
د افغانستان د اوسپنې پټلۍ اداره وايي، تېره میاشت د اوسپنې پټلۍ له لارې څه باندې ۳۰۸ زره ټنه توکي هېواد ته وارد او څه باندې شپږ زره ټنه نور صادر او ترانزیټ شوي دي.
د اوسپنې پټلۍ اداره: ازبکستان دې پر ترانزیټي توکو تعرفه کمه کړي
د افغانستان د اوسپنې پټلۍ ادارې مسوولینو له ازبکستانه غوښتي چې پر ترانزیټي توکو تعرفه کمه کړي څو له دې لارې د انتقالاتو کچه لوړه شي.
ازبکستان په ترمذ کې افغان سوادګرو ته د سوداګرۍ یو لوی مرکز سپاري
له ازبکستانه راغلی پلاوی د ریاستالوزرا له اقتصادي مرستیال سره په لیدنه کې ویلي، په نږدې راتلونکي کې به تاشکند کې د افغاني محصولاتو نړۍوال نندارتون جوړ کړي او چمتو دي چې په ترمذ کې افغان سوداګرو ته د سوداګرۍ یو لوی مرکز هم وسپاري.
د ازبکستان یو رسمي پلاوی کابل ته راغی
د صنعت او سوداګرۍ وزارت کابل ته د ازبکستان ۴۵ کسیزه پلاوي د راتګ خبر ورکوي او وايي، یاد پلاوی د ازبکستان سوداګریزو توکو د نندارتون پرانستې او د دوه اړخیزې سوداګرۍ د پراختیا په موخه افغانستان ته راغلی دی.
